DW: Gjermania e do patjetër ish-ministrin Tahiri para drejtësisë

Përditë e me shumë dalin detaje nga ultimatumi gjerman për kryeministrin Rama gjatë vizitës në Berlin. Ashtu si nëpër dhëmbë Edi Rama e tha në konferencë shtypi pas kthimit nga takimi me Kancelaren Merkel se i kishin bërë një pyetje edhe për ish-ministrin e brendshëm Sajmir Tahiri, por vetëm kaq vazhdoi kryeministri shqiptar, duke u munduar të mos i jepte rëndësi emrit Tahiri. Në të vertetë burime të kryqëzuara diplomatike tregojnë se i është kërkuar jo vetëm nga aleati i majtë i PS-së në qeverinë gjermane, ministri për Europën Roth, por edhe nga Kancelarja Merkel. I është thënë prerë se Reforma në Drejtësi është një sukses, por që ta besojmë si të tillë do shikojmë nëse lejoni si kryeministër daljen para drejtësisë të ish-ministrit Tahiri.

Ky rast mbetet kusht i panegociueshëm nga pala gjermane e jo vetëm, por edhe nga shtetet e tjera te BE. Ndërkohë pas vizitës së kryeministrit Rama në Berlin mediat pranë PS janë munduar ta anashkalojnë kushtin gjerman për çeljen e negociatave për marrjen e statusit final për në BE. Në fillim u tha se prokuroria e krimëve të rënda mund të veprojë, por më pas flitet se ka patur presion të jashtëzakonshëm nga PS mbi organin e prokurorisë për mos penalizimin e Tahirit.

Që Gjermania e kërkon Saimir Tahirin para drejtësisë kjo nuk diskutohet, pavarësisht se qeveria mundohet ta fshehë. Sot e zbuloi përsëri kushtin e kancelares Merkel gazetarja me emër e radios shtetrore gjerma DW, Adelheid Feilcke, e cila e pyetur live nga Top Channel tha ndër të tjera se Saimir Tahiri mbetet kusht i panegociueshëm.