Kavaja bashkon ”të pabashkueshmit”, Elisa Spiropalin dhe kryebashkiakun demokrat Qosja

Sot në Kavajë në ceremoninë e 26-vjetorit të rënies dhe përurimit të shtatores së dëshmorit të kombit, djaloshit kavajas, Indrit Cara u pa përveç të tjerash edhe një spektakël politik.

Kryeparlamentarja Elisa Spiropali, njëkohësisht drejtuese politike e socialistëve për qarkun Tiranë, u prit me nderime të pazakonta nga kryebashkiaku demokrat Fisnik Qosja.

I pranishëm ishte edhe Presidenti Bajram Begaj. Dhe nuk mungonte as ish-kryeparlamentari shqiptar i Maqedonisë së Veriut, Talat Xhaferi, pjesëmarrës i rregullt në veprimtaritë me natyrë kombëtare në Shqipëri.

Katërshja morën pjesë bashkarisht jo vetëm në nderimin e dëshmorit Indrit Cara, por edhe në veprimtari të tjera rutinë, siç ishte vizita në Muzeun Etnologjik të qytetit.