Sot Edi Rama ishte në takim me kryebashkiakët e vendit. Ai ka qenë i ashpër me ta dhe me pronarët e bareve, hoteleve, restorantëve të cilët kanë ngritur rrufeshëm çmimet e turizmit, a thua se janë në Monte Carlo.
Kryeministri Edi Rama ka kritikuar ashpër tur-operatorët e Vlorës dhe të Jugut në përgjithësi të cilët kanë rritur ndjeshëm çmimet për turistët.
“Vlonjatët bien në gropën e gjoksit të tyre. Eshtë e turpshme për të krijuar një klimë absurde kur sapo kemi hyrë në Champions League-n e Mesdheut. E ka bërë Bullgaria këtë sport dhe për vite të tëra, nuk kthehej dot më si ishte. Nuk thonë kot më mirë sytë se sa nami, vlonjatëve u ka dalë nami, u kanë dalë trutë nga vendi dhe nuk dinë më se çfarë po bëjnë. Ndoshta kështu zbresin pak me këmbë në tokë, ose të paktën në kat të dytë. Pika tjetër e rëndësishme janë plazhet publike. Plazhi publik i Sarandës është në vijën e gjithë qytetit, menaxhohet nga bashkia. Duhet bërë çmos që edhe njerëzit ta dinë”, – tha Rama në mbledhjen e sotme me kryebashkiakët.
Kryeministri me të drejtë ka ngritur një problem të madh sepse ka filluar mania dhe urdia e rritjes së çmimeve, duke arritur edhe në absurditete në 80 apo 110 euro një çadër në ditë! Shqipëria po kërkohet se vitin e kaluar kishte çmime të logjikshme, natyrisht për bukurinë e vendit dhe bregdetit, por turravrapi turistik i huaj ishte se çmimet ishin joshese.
Kjo rritje çmimesh mund të bëjë që brenda vitit të kthehet në bumerang dhe të fillojë antireklama europiane, duke na kthyer si dikur Bullgaria e cila rriti çmimet dhe nuk shkoi më njeri, duke i kthyer në karantina hotelet dhe restorantet e bukura.