Mali i Zi – i pari nga Ballkani në BE, synon anëtarsimin në vitin 2028

Me paketën e re të reformave të miratuar tani nga parlamenti i Malit të Zi, vendi i afrohet më shumë Brukselit. Qeveria synon anëtarësimin në 2028-n, por çfarë do të thotë kjo për ekonominë e Malit të Zi?

Me shumicë të gjerë votash, parlamenti i i Malit të Zi miratoi një paketë të re ligjore për reformën në drejtësi dhe sigurimin e lirisë së medias. Për projektligjin e qeverisë së qendrës së djathtë të kryeministrit, Milojko Spajic votuan edhe shumica e përfaqësuesve të opozitës, sipas njoftimeve të mediave vendase.

Mali i Zi, një nga ekonomitë më të vogla, jo vetëm të Ballkanit, por edhe Europës është më pranë anëtarësimit. Ky vend pret nga anetaresimi një stimul te fuqishëm ekonomik, e pikërisht kjo shpresë i bën malazezët e gjithë vendet e Ballkanit t’i durojnë me stoicizëm zvarritjet e procesit.