Akuza e Manjanit: Mos ngritja e KLGJ dhe KLP favorizon “ujqërit” e Rilindjes!

Ish-ministri i Drejtësisë Ylli Manjani përmes një statusi në facebook shkruan se KLGJ dhe KLP jane dy institucionet themelore të funksionimit të sistemit të drejtësisë, por që asnjëra nuk është krijuar, duke shtuar mjegullën në sistem dhe duke favorizuar “ujqërit” e Rilindjes.

Manjani më tej thotë se kushti i vetëm që të krijohen këto institucione është që kandidatët të kalojnë vetting-un.

Postimi i  Ylli Manjanit:

Për KLGJ dhe KLP

KLGJ dhe KLP ( ju siguroj që nuk janë emra pesticidesh) janë dy institucionet themelore të funksionimit të sistemit të drejtësisë.

Asnjëra nuk është krijuar, duke shtuar mjegullën në sistem dhe duke favorizuar “ujqërit” e Rilindjes!

Kushti i vetëm i pa plotësuar ende ishte që kandidatët të kalojnë vetting.

Deri tani KLGJ ( Këshilli i Lartë Gjyqsor) është i pamundur të krijohet sepse kandidati i vetëm nga Gjyqatët e Apelt jashtë Tirane, Besim Trezhnjeva është skuakifikuar!

KLP ka ende shanc të krijohet, nëse kandidatët e mbetur kalojnë vettingun. Sikur njëri të skualifikohet, KLP nuk krijohet dot.

Dmth as SPAK e as BKH!!

Rruga ligjore është përsëritja e garës. Kjo do të thotë kohë e re për garë të re dhe kohë shtesë për vetting të kandidatëve të rinj.

Rrisku është që gara mund të ripërsëritet nëse edhe kandidatët e rinj nuk e kalojnë vetting!

Zgjidhja më e shpejtë është: rikthimi në detyrë i të skualifikuarve nga Vetting dhe kalimi i vetting të të gjithë kandidatëve të tjerë që janë në proçes.

Rrisku është që vetting do jetë formal për këto që janë kandidatë dhe i rrepte për të tjerët. Pra do legjitimohej “dy standartësia”… Jo se kjo nuk po ndodh, por do ta pranonin vetë këtë gjë!

E njëjta llogjikë vlen edhe për KED , nga e cila duhet të dalë gjykata Kushtetuese. Pra anëtarët e KED duhet të kalojnë vetting, Gentian Trenova të rikthehet në detyrë dhe kështu vendi bëhet me gjykatë Kushtetuese.

Ky është ekuacioni i sistemit të drejtësë që është shkruar në ligje. Me dy e më shumë të panjohura është.

Hë për hë Dallori është negativ! Zgjidhjet duhen kërkuar në bashkësitë e numrave irracionalë…

Rilindja dhe Ambasadorët e saj “personalë”, nuk e zgjidhin dot këtë ekuacion. Të paktën jo në bashkësinë e numrave realë…

Të na rrojnë e u pagofshin gjithnjë mirë:
EURALIUS,
OPDAT,
ICITAP,
DELEGACIONI i BE,
AMBASADA AMERIKANE,
FONDACIONI SOROS,

Dhe mbi të gjitha
RILINDJA, me në krye Ministrinë e Brendshme dhe në ballë (jo Taulanti) shoku Edvin!

(Nga Ylli Manjani)