Mbrëmë hynë triumfalisht në Tiranë 1200 muxhahedinë. Priten të tjerë

Kanë mbërritur autobusët e parë me muxhahedinë në Tiranë. Fotot që shikoni më poshtë tregojnë ardhjen e tyre. Ata kanë zbarkuar pas “Casa Italias” dhe do të strehohen në pallatet që shteti ka vënë në dispozicion të tyre.

Ka qenë një temë disi sensitive kjo e strehimit të muxhahedinëve iranianë në Shqipëri, pasi edhe vetë kryeministri Edi Rama është munduar ta shmangë bërjen publike të diskutimit të kësaj teme gjatë vizitës së Sekretarit Amerikan të Shtetit, John Kerry në vendin tonë.

Sekretari i Shtetit gjatë vizitës në muajin shkurt në Tiranë, ka falenderuar Shqipërinë për strehimin e muxhahedinëve. “Gjate dy viteve të fundit, Shqipëria ka strehuar rreth 1000 muxhahedinë si dhe ka rënë dakord për të strehuar dhe 2000 të tjerë”, ka thënë për Zërin e Amerikës një zyrtar i lartë i Departamentit Amerikan të Shtetit në atë kohë. Ndaj Edi Rama u prit në Washington me nderime. Firmosi, bëri foto me Obamën dhe u kthye pak para se të mbërrinin muxhahedinët iranianë.

Në mbrëmje raportuan se në territorin tonë mbërritën muxhahedinë. Sot një burim zyrtar është shprehur se bëhet fjalë se kanë mbërritur rreth 1200 muxhahedine. Gjatë ditëve në vijim, i njëjti burim ka pohuar se priten të vijnë rreth 700 të tjerë, duke bërë që numri total i tyre të arrijë në afro 1900.

Ata sipas informacioneve do të vendosen në një apartamente që është ofruar nga dy kompani të mëdha ndërtimi.

Përzgjedhja e kompanive është bërë me tender nga ana e UNHCR, e cila ka marrë me qira apartamentet nga dy firmat e ndërtimit në periferi të Tiranës.

Bëhet me dije se njëra prej kompanive ka marrë përsipër akomodimin e 1200 prej tyre. Ndërkohë janë masa të rrepta sigurie ndaj tyre, pasi mund të objekt i sulmeve nga segmentet iraniane të shtetit.