Mjeku i njohur Ilir Alimehmeti: Nëse Berisha do respektonte gjykatën nuk do të vinte puna deri këtu! Dhe se PD kërkon lider tjetër

Mjeku i njohur Ilir Alimehmeti i cili tha se nëse Berisha do kishte respektuar masën e parë nga gjykata nuk do të kishte ardhur deri në këtë pikë dhe shtoi se sipas tij, ish kryeministri ishte këshilluar keq juridikisht.

“Bie dakord se çështja e parë ka një diskutim shumë të madh, qoftë për kohën dhe ekzekutimin e saj. Sepse ka 10 vjet. Ndërsa 10 ditët e fundit, këto goditja kaq të forta në një kohë kaq të shkurtër,  Po të kishte qenë respektimi I duhur i masës së parë, kjo situatë nuk do ishte e tillë, e përshkallëzuar. Këshillimi juridik nuk ka qenë I duhuri, nuk ka qenë lexim i duhur i masës së parë”- tha Alimehmeti.

Më tej, sa i takon një zgjidhje për situatën brenda PD-së, Alimehmeti nënvizoi nevojën për një bashkëpunim me të gjitha palët duke u shprehur i bindur se problem mund të zgjidhet vetëm nëse do të formohet një grup përbashkues që qëndron mbi individin apo “Uni-n politik”.

“Ne shohim gjithmonë tek uni dhe kurrë nuk është menduar në këto 33 vjet për një grup. Dhe grupet janë sjellë gjithmonë në momentet e krizës sepse grupi është më i fortë se individi. Mendoj se kemi një situatë krize qoftë shoqërie, politike dhe partisë tonë. Këtu duhet një grup. Ka djem dhe vajza sa të duash që duan ta bëjnë. Çështja e madhe do jetë, nëse do vijë nga Berisha do vijë në formën e një udhëzimi ose përndryshe thjesht do krijohet vetë”- shtoi Ilir Alimehmeti.

Ilir Alimehmeti mbetet një prej njerëzve që nëse do ta linin si PD të kandidonte të kandidonte për kryebashkiak në Tiranë, mund ta rrezikonte seriozisht Erjon Veliajn.

Por grupet dhe klanet në PD e Saliut dhe në opozitë e sabotuan. Me sa duket akoma mbizotëron ideja se më mirë një PD me Saliun dhe të mbledhur grup sa një grusht se sa një PD e hapur dhe e gjithëkujt që don opozitë të bashkuar.

Ilir Alimehmeti mund të ishte një kryetar PD europian dhe i pranuar nga amerikanët dhe sidomos nga shqiptarët.

Por PD me sa duket Berisha do tja kalojë vajzës së tij Argitës, parti e cila nuk vjen kurrë në pushtet, ndonëse mund të marrë diku te 20 deputetë ndër vite.

PD e dikurshme nëse nuk gjen një lider europian dhe të gjithëpranuar, do të vdesë nga pak e përditë, siç edhe po vdes.