Një familje e vdekur nën rrenoja. Burrë e grua gjenden krahëqafë shtërnguar

Një tragjedi familjare mes dhjetra viktimave dhe historive të trishta nga goditja e Italisë qëndrore nga tërmeti. Burrë e grua sëbashku me dy fëmijët e tyre kanë humbur jetën mes rrënojave teksa shtëpia e tyre i zyri poshtë. Ngjarja ka ndodhur ne komunën e Accumolit.

Nëna, babai dhe dy fëmijët e moshës 8 muajsh dhe 8 vjeç u gjetën nën rrënoja. Më i vogli u gjet i vetëm.

Prindërit u gjetën në mesin e mbeturinave, të përqafuar. Sikur donin të iknin bashkë në botën tjetër. Fill pas tyre u gjet dhe djali i madh. Trupat e tyre u gjetën nga qentë e ekipit të kërkim shpëtimit.Po në këtë komunë janë gjetur edhe dy fëmijë të tjerë të vdekur.

Deri tani nga zona janë zhvendosur 2500 persona. Komuna ka gjithsej 700 banorë, por në verë ajo mirëpret shumë turistë.

“Kjo është një fatkeqësi, vendi është në kaos, shumë persona janë ende nën rrënoja, nuk e përcaktojmë dot se sa” tha i dëshpëruar kreu i komunës, Petrucci.

Janë dëmtuar kazermat dhe kishat, nuk ka ndërtesa që mund të përdoren. Situata e trafikut është jashtëzakonisht e vështirë” shtoi ai.

Deri tani janë gjetur 45 viktima. 200 veta janë të zhdukur. Dhjetra të plagosur.

Tërmeti merr me vete historinë, rrënohet qyteti i Amatrices