Pamjet nga SHBA. Në Miçigan marrin armët dhe rrethojnë parlamentin për të kundërshtuar bllokimin e ekonomisë

Në shtetin e Miçiganit në SHBA qytetarët kanë reaguar ashpër ndaj masave bllokuese të ekonomisë për të frenuar koronavirusin.

BBC raporton se qytetarë të armatosur kanë shkuar në mbledhjen dhomës së përfaqësuesve të këtij shteti dhe kanë kërkuar anulimin e izolimit të biznesit dhe qytetarëve.

Vendimi për mbylljen e biznesit është marrë nga guvernatorja  demokrate Gretchen Whitmer, e cila kërkoi mbajtjen e alarmit për pandeminë në nivel të lartë.

Protesta kundër bllokimit ka shkaktuar incidente. Në Miçigan mbajtja e armëve është e ligjshme. Ndërkohë protestuesit nuk tërhiqen nga vendimi i tyre.