Pas sulmeve, Trump deklaron: Irani është i pabesë, të çmendur!

Presidenti Trump deklaroi se armëpushimi me Iranin “ka mbaruar”, duke e cilësuar Republikën Islamike si “plehra” dhe “të çmendur”. Këto komente erdhën pasi Uashingtoni kreu sulme ajrore gjatë natës dhe Garda Revolucionare iraniane njoftoi se kishte shënjestruar baza amerikane në Gjirin Persik. Pas deklaratave të Trump, çmimet e naftës u rritën me pesë për qind.

Në një samit të NATO-s në kryeqytetin turk Ankara, Trump u shpreh se nuk dëshironte të merrej më me iranianët, duke i përshkruar ata si “njerëz të sëmurë” dhe “të dhunshëm”, të udhëhequr nga “njerëz të sëmurë”. Ai paralajmëroi se nëse Irani do të posedonte një armë bërthamore, do ta përdorte atë, duke theksuar se për të, situata ishte “e mbaruar”.

Trump bëri të ditur se do të konsultohej me biznesmenin dhe negociatorin Steve Witkoff, si dhe me dhëndrin e tij Jared Kushner, të cilët kanë qenë në kontakt me iranianët. Megjithatë, ai këmbënguli se ishte përgjegjësi e Teheranit të kthehej në tryezën e bisedimeve, duke i quajtur iranianët “gënjeshtarë” dhe duke shtuar se “është thjesht humbje kohe të merresh me ta”. Ai akuzoi Teheranin se kishte shtrembëruar vazhdimisht marrëveshjen e armëpushimit të nënshkruar më 17 qershor, veçanërisht duke mohuar diskutimet mbi armët bërthamore, gjë që e bëri Trump të thoshte se “ka diçka të gabuar me ta, janë të çmendur”.

Marrë nga France 24 Live News