Petrit Vasili: Donald Lu dhe Romana Vlahutin, zgjohuni nga gjumi!

Petrit Vasili është zgjuar shumë herët këtë të martë. I shqetsuar se reforma në drejtësi po devijon nga qëllimi pse filloi si dhe i merakosur se pse heshtin ambasadorët Lu dhe Vlahutin, kreu i grupit parlamentar të LSI lëshoi piskamën e madhe të ditës: Zgjohuni Lu dhe Vlahutin!

Nisur edhe nga fakti që dje goglat e Ulsi Manjës ishin përzgjedhur nga sekretari i përgjithshëm i i Kuvendit, ku ngado të hidhje goglën dilnin socialistë e ku KLP dhe KLGJ dalin me shumicë absolutet të PS-së,  ndaj Petrit Vasili kur njerëzia po lanin sytë nga gjumi e po merrnin udhën në punë lëshoi me vrik thirrjen: Lu dhe Vlahutin, ndërhyni!

Nuk dihet nëse Lu dha Vlahutin e kanë dëgjuar thirrjen e madhe të Petrit Vasilit, por e sigurtë mbetet se Vasili nuk merr dot përgjigje nga ata të dy, pa marrë lejen e kryeministrit Rama, të dy ambasadorët.

Në të vertetë siç ka thënë jo pa ironi deputeti Enkelejd Alibeaj se duhet të flasin edhe Xhoni dhe Ferdinando, nga OPDAT dhe EURALIUS. A janë zgjuar sot kaq herët ata të dy?

Petrit! Thirrje në shkretetirë duket kjo e jotja! Por bërtit se mos zgjohen!