LSI/Vasili: Kryeministri Rama të sjellë urgjent ligjin e bixhozit dhe t’i mbyllim
Kryesore E Shtunë, 8 Maj 2021 20:33
I pyetur se çfare opinioni ka deputeti Petrit Vasili, si kryetar i grupit parlamentar të LSI, lidhur me qendrimin ndaj ligjit te bixhozit dhe pamundësisë, sipas Kryeministrit Rama, i cili dje deklaroi në konferencën për mediat se “nuk kemi mazhorancë për ta votuar”, kreu i grupit të LSI u përgjigj për “Koha Jone”:
Bixhozi, kjo sëmundje e rëndë shoqerore, e ka shërimin dhe ç’rrënjosjen. Problemi është shumë i thjeshtë për sa i takon LSI. Kryeministri ta sjellë ligjin për mbylljen e bixhozit që në seancen e parë të janarit. Te gjitha votat e grupit të LSI do të jenë pro mbylljes. Nëqoftëse një deputet i vetëm i LSI nuk do ta votonte, ai do të përjashtohej mënjëherë nga grupi. Anëtari i grupit te LSI që nuk voton për mbylljen e bixhozit do të bëhej anëtar i bixhozit, pra nuk do ketë më punë me LSI.
Besoj që deri në mbledhjen e parë të parlamentit të janarit Kryeministri Edi Rama do t’i bëjë bashkë të gjitha votat e grupit të PS-së. Në pak javë i japim pra fund njëherë e mirë problemit të bixhozit. Kjo varet nga Kryeministri dhe PS, pasi votat e LSI janë gati të gjitha për mbylljen e bixhozit.
