Plani sekret i Marrëveshjes. Jo Qeveri Teknike, por kushte maksimale për PD

Kryesore E Shtunë, 22 Maj 2021 09:20

PD dhe PS po përfundojnë te plani i negociatorit te PPE dhe BE, zotit David McAllister, për të cilin punoi edhe Ilir Meta.

Presidenti në detyrë Bujar Nishani ka ftuar sot zyrtarisht Lulzim Bashën dhe Edi Ramën për takim në Presidencë për zgjidhjen finale të krizës politike para përplasjes fizike të turmave me 7 maj në Kavajë dhe me 18 qershor në krejt Shqipërinë.

Negociatorët po bëjnë ecejake presidencë-kryeministri-PD për modalitetet e mbylljes deri ditën e nesërme nga ku pritet të mblidhet Kuvendi në një seancë të jashtëzakonshme parlamentare për disa ndryshime urgjente te Kodit Zgjedhor. Por burime të sigurta se është rënë dakort nga Basha dhe Rama që të takohen ditën e mërkurë paradite në zyrën e presidentit në detyrë Bujar Nishani.

Pikat e Marrëveshjes:

1-Vendimi i KQZ për regjistrimin e listave të kandidatëve për deputet dorëzuar nga partitë e regjistruara do te apelohet në Kolegjin Zgjedhor dhe do rrëzohen për ti hapur rrugë edhe regjistrimit të partive të opozitës.

2-Ndryshimi i Kodit Zgjedhor që jep garanci PD, por edhe partive të tjera.

3- Dekret i ri i Presidentit Nishani për shtyrjen e zgjedhjeve me 16 korrik.

4-Rritje drastike e masave në Kodin Penal për blerjen e votave.

5- Zgjedhjet në Kavajë do të shtyhen për datën 16 korrik në një ditë me zgjedhjet parlamentare.

6-Drejtuesit e policisë do emërohen nga një komision parlamentar i përbashkët

7-Katër ministra në qeverinë Rama do ti propozojë PD. Edi Rama do të zgjedhë mes tre emrave për sejcilin post ministror.

8-Votimi i Vettingut nga PD në seancën e jashtëzakonshme parlamentare.

Praktikisht shkohet në formulën e qeverisë se Besimit kërkuar publikisht nga Ilir Meta para se të zgjidhej President Republike.

(Marrë nga www.spjv.it)