Po vjen ambasadorja e re amerikane në Shqipëri, zonja Kathleen A. Kavalec

Ambasadori Donald Lu ikën në shtetin e Kirginstanit.  Në Shqipëri Kathleen A. Kavalec është emri i propozuar nga Presidenti i SHBA-së Donald Trump, për ambasadore.

Emri i saj është bërë publik zyrtarisht ditën e sotme në faqen zyrtare të Shtëpisë së Bardhë, nga administrata Trump.

Po kush është Kathleen A. Kavalec?

Aktualisht ajo është zëvendës ndihmës sekretare

Zyra e Çështjeve Evropiane dhe Euroaziatike

Periudha në detyrë: Nga gusht 2015

Zëvendës ndihmëssekretarja për Zyrën e Çështjeve Evropiane dhe Euroaziatike në Departamentin e Shtetit, Kathleen Kavalec e ka marrë detyrën si zëvendësndihmëssekretare në gusht 2015. Në këtë cilësi, ajo është përgjegjëse për Rusinë dhe për Zyrën e Çështjeve Rajonale. Më parë ajo ka shërbyer si Drejtore për Çështjet Ruse në të njëjtën Zyrë.

Para kësaj, ka qenë Zëvendës Shefe e Misionit dhe Zëvendës Delegate e Përhershme në Misionin e SHBA në UNESCO, në Paris (2010-2013). Në periudhën 2009-2010, zonja Kavalec ishte Zëvendës Koordinatore për Asistencën e SHBA për Evropën, Eurazinë dhe Azinë Qendrore.

Ajo ka shërbyer më 2008-2009 edhe si Drejtore e Parandalimit të Konflikteve në Zyrën e Koordinimit për Rindërtim e Stabilizim. Detyrat jashtë vendit kanë përfshirë edhe ture në Ukrainë, Rusi, Rumani e Brazil.