Presidenti Meta: Kambanat e alarmit po bien! Ky është” rreziku i vërtetë rus” që i kanoset Shqipërisë

Presidenti i vendit, Ilir Meta përmes një postimi në rrjetin social Facebook ngre alarmin lidhur me largimin në masë të shqiptarëve dhe uljen e lindshmërisë. Meta i referohet një artikulli të Organizatës së Kombeve të Bashkuara (OKB), të publikuar nga Monitor për projeksionet e saj për popullsinë shqiptare i cila ka rishikuar në ulje me 30-40% pritshmëritë se sa persona do të mbeten në një vend deri në vitin 2100.

Sipas Presidentit ky është “rreziku i vërtetë rus” që i kanoset vendit dhe shton se kjo është sfida më madhore që kërkon urgjent dialog, zgjidhje, dhe kthimin e shpresës për të gjithë shqiptarët.

Postimi i plotë i Presidentit Meta: 

Kambanat e alarmit po bien!
Stop shpopullimit të Shqipërisë!
Ky është “rreziku i vërtetë rus” që i kanoset vendit!
Kjo është sfida më madhore që kërkon urgjent dialog, zgjidhje, dhe kthimin e shpresës për të gjithë shqiptarët!
9 kushtet e Bundestagut janë harta e rrugës së Shqipërisë europiane!
Koha është tani!
Nuk mund të ketë Shqipëri pa shqiptarë!