Presidenti Meta takon presidentin gjerman, Steinmeier (FOTO)

Sot në Berlin, Presidenti i Republikës, Ilir Meta u prit në një takim të veçantë nga Presidenti i Republikës Federale të Gjermanisë, Frank-Walter Steinmeier.

Presidenti Meta vlerësoi marrëdhëniet e shkëlqyera midis dy vendeve dhe shprehu mirënjohjen e thellë për mbështetjen 30-vjeçare të Gjermanisë për zhvillimin e Shqipërisë dhe integrimin e saj në strukturat euro-atlantike.

Në mënyrë të veçantë, Presidenti Meta vlerësoi vëmendjen e madhe që Presidenti Steinmeier dhe Gjermania u kushtojnë marrëdhënieve me Shqipërinë dhe zhvillimeve në rajonin e Ballkanit Perëndimor.

Duke u ndalur te zhvillimet më të fundit në rajon, të dy Presidentët ndanë të njëjtin vlerësim se arritja e Marrëveshjes së Prespës është një shembull i suksesshëm që inkurajon edhe Kosovën edhe Serbinë për normalizimin e marrëdhënieve dhe arritjen e një marrëveshjeje të qëndrueshme në interesin më të mirë të paqes, stabilitetit dhe integrimit europian.

Nga ana e tij, Presidenti Steinmeier e siguroi Presidentin Meta se Gjermania do të vazhdojë të jetë një partner i rëndësishëm dhe mbështetës kryesore në proceset integruese për Shqipërinë dhe të gjitha vendet e rajonit, me synim jo vetëm ruajtjen e stabilitetit dhe paqes në Ballkan, por mbi të gjitha, për t’i ndihmuar ata në avancimin e reformave për një zhvillim ekonomik të qëndrueshëm, forcimin e shtetit ligjor dhe prosperitetin e popujve të rajonit.

Në fund të takimit, Presidenti Meta e ftoi Presidentin Steinmeier për një vizitë zyrtare në Shqipëri, që u mirëprit me kënaqësi.

Mesazhi në rrjetet sociale

Presidenti Ilir Meta është takuar sot në Berlin me Presidentin e Gjermanisë, Frank-W.Steinmeier.

Në një postim në Facebook, Presidenti Meta vlerëson bashkëpunimin e Gjermanisë me Shqipërinë dhe ndihmën që Berlini ka dhënë për integrimin e Shqipërisë në Bashkimin Europian. Pjesë e takimit kanë qenë dhe zhvillimet në rajon.

“Kënaqësi të takoj sërish Presidentin e Gjermanisë Frank-W.Steinmeier . Mirënjohës për mbështetjen domethënëse të ?? përgjatë viteve. Shumë të interesuar për të rritur bashkëpunimin e gjithanshëm. Vëmendje dhe interes të veçantë për perspektivën në Bashkimin Europian të Shqipërisë dhe rajonit. ?????”,– shkruan Presidenti Meta në një postim në rrjetin social Twitter.

Kënaqësi të takoj sërish Presidentin e🇩🇪 Frank-W.Steinmeier @ChefSteinmeier. Mirënjohës për mbështetjen domethënëse të 🇩🇪 përgjatë viteve. Shumë të interesuar për të rritur bashkëpunimin e gjithanshëm. Vëmendje & interes të veçantë për perspektivën🇪🇺të Shqipërisë &rajonit. 🇦🇱🤝🇩🇪 pic.twitter.com/lOkNJfBkIG

— Ilir Meta (@ilirmetazyrtar) February 19, 2019