Protesta tjetër e madhe pas studentëve, bizneset ulin qepenat në gjithë vendin
Pas protestës së studentëve që ende vijon sot në ditën e 14-të të saj, një tjetër protestë e madhe pritet të zhvillohet nesër.
Biznesi i vogël dhe i mesëm do të dalë në protestë kundër taksave të larta që i janë vendosur nga qeveria. Vendimi për protestën është marrë nga Shoqata e Biznesit të Vogël, e cila bën thirrje për uljen e qepenave nga ora 08:00 deri në orën 16:00.
Biznesi i bën thirrje të gjithë familjeve që të dalin në protestë, ndërsa thonë se mbështetin kauzën e drejtë dhe legjitime të studentëve. Ndërkohë biznesi i vogël, i cili mban peshën kryesore në ekonominë shqiptare ka paraqitur një listë më kërkesa drejtuar Qeverisë dhe Ministrisë së Financave. Kërkesat e tyre janë ekonomike dhe kërkojnë që qeveria të reflektojë duke zbutur gjithë tatimet dhe kostot shtesë me të cilat janë të detyruar të përballen.
Sipas biznesit të vogël 4 janë arsyet e protestës:
1-Rritja e pragut të TVSH-së për Biznesin e Vogël dhe të Mesëm nga 2 mln lekë që është sot, në minimalisht 12 mln lekë.
2-Ulja e çmimit të energjisë elektrike të vlerës aktuale që është sot.
3-Ulja e çmimit të karburantit me 40 lekë për litër
4-Ndalja e projektit korruptiv i zëvendësimit të kasave fiskale.
Protesta e biznesit pritet të vijojë me intensitet, pasi vetëm reagimi ndaj qeverisë shihet si e vetmja mënyrë që gjërat të ndryshojë. Protesta e studentëve këto ditë ka treguar se të gjitha kategoritë sociale në vend, nëse nuk organizohet dhe nuk protestojnë nuk kanë shanse të dëgjohen nga qeveria.
Dita e 14 e protestës së studentëve:
