Pse opozita shqiptare nuk vepron si opozita italiane e Mateo Salvinit?

Lideri i opozitës italiane kërcënon kryeministrin që nëse nuk merr masa për lirimin e masave shtërnguese si dhe garantimin e jetës ekonomike dhe qytetare, atëhere do të ngrihemi në protesta, me maska dhe pa maska për të rrëzuar qeverinë.

Po opozita shqiptare çfarë bën? Apo pret gjithçka nga Surreli, duke harruar misionin e saj për të udhëhequr popullin?

Populli i mbyllur brenda nuk pret më, pasi nuk lejohet të punojë edhe kur gjenë punë; nuk merr pagën e luftës ndonëse premtohet nga Rama, nuk ka garanci për jetesën sepse gjithçka po falimenton, biznesi po jep shpirt ndërsa oligarkia fërkon duart sepse blen lirë gjithçka që po falimenton.
Ndërkohë Opozita shqiptare jep këshilla qeverisë se si mund të luftohet më mirë koronavirusi, por nuk bën presion klikës së Surrelit, e cila dikton krejt jetën e çdo njeriu. Ndonjë kritikë që vjen nga opozita për tenderimet nuk mjafton.
Opozitë është ajo italiane e cila bën thirrje popullit në protestë kundër qeverisë, me maska e pa maska.
Mateo Salvini, kreu i Lega partisë më të madhe opozitare në Itali, deklaroi sot se qytetarët janë gati për të protestuar kundër qeverisë së Guseppe Contes.
Në një video mesazh për qytetarët, Salvini deklaroi se nëse qeveria nuk dëgjon dhe nuk pranon këshillat për të hapur ekonominë, qytetarët do të dalin në rrugë.

“Nëse nuk na dëgjojnë do të shihemi në mënyra të tjera edhe jashtë rrjeteve sociale. Ka një muaj e gjysmë që flas vetëm para kompjuterit. Do të kthehemi në rrugët dhe sheshet tona, do respektojmë limitet dhe rregullat (e sigurisë), por këtu është në diskutim liria dhe e ardhmja jonë”,- tha kreu i LEGA.
Ai deklaroi se Italia duhet të nisë sa më shpejt për prodhimin ekonomik, duke zbatuar rregullat e sigurisë.
“Kemi pritur, dëgjuar, sugjeruar dhe bashkëpunuar me qeverinë. Tani mjaft më, pas 47 ditësh të mbyllur ne themi: mjaft, na lini të dalim, të punojmë dhe të fitojmë”,- u shpreh Salvini.
Kreu i LEGA deklaroi se nëse qeveria vijon në këtë mënyrë strategjinë e hapjes së bizneseve, shumë prej sipërmarrjeve nuk do të hapen fare, pasi janë duke falimentuar.
“Punëtor, sipërmarrës, artizanë, tregtarë, prindër që duan të rrisin fëmijët nuk mund të presin më. Shumë qytetarë na kërkojnë të organizohemi, jo vetëm në rrjetet sociale. Të sigurt, me masa, në distancë, paqësorë dhe të vendos, ne jemi gati. Përveç virusit është uria dhe mungesa e lirisë. Ne nuk mund ta lejojmë. Para së gjithash, Italia është e italianëve”,– deklaroi Salvini duke paralajmëruar nisjen e protestave kundër masave të qeverisë.
Po në Tiranë çfarë bën Opozita?! Shikon Surrelin kur del dielli apo do ngrihet në protesta?