Rama kritika SPAK-ut: Si erdhën me 16 mijë faqe për mandatin e Ballukut?!

Kryemistri Rama duke folur në fundviti me gazetarët, ndër të tjera, theksoi se si ka mundësi që SPAK erdhi në Këshillin e Mandatëve me 16 mijë faqe kundra zv/kryeministres, ndërkohë që mund të ishin me konçiz e jo duke shushatur miletin. Këshilli i Europës ka kritikuar Shqipërinë për numrin e madh të arrestuarve që janë nën hetim, sepse janë mbushur burgjet plot. Ka masa me të lehta e që duhen zbatuar nga SPAK, sepse do jetë gjykata e cila do të vendosë përfundimisht.

Me tej kryeministri tha se nëse do të isha në Këshillin e Mandatëve do tju thosha prokurorëve të SPAK që “ngrihuni e ikni!”.

Me pas Rama sqaroi se po gjykohen disa kot dhe po bëjnë burg kur mund të ketë masa me të lehta.

Në lidhje me “shpërdorimin e detyrës” kryeministri Rama tha se ky është thes i madh ku mund të kapesh çdo njeri, bile edhe vetë prokurorin!

I pyetur nga gazetarët se a keni ndërmend të jepni dorëheqjen, siç kërkon PD, ai tha JO.

Pjesë nga fjala e kryeministrit:

Edi Rama: Jo çdo kush që hetohet dhe akuzohet nga SPAK ka bërë korrupsion. Ka edhe vepra të tjera. Shpërdorimi i detyrës psh është një vepër të cilës ju kthye edhe vetë BE së fundmi. Kjo sepse është një term ku futen thesi i madh, me kollajllëkun më të madh sidomos kur jeton në një periudhë kur tenxheret hidhen përpjetë me gjithë kapakë, burg, burg… BE iu kthye me kërkesë të Gjermanisë, jo vetëm të Italisë që e kërkonte prej kohësh dhe ka dalë një direktivë e re për të riparë këtë nocion. Pse? Sepse Kushtetuta thotë janë tre pushtete të pavarura ngë njëri-tjetrin. Drejtësia është e pavarur nga ekzekutivi por edhe ekzekutivi është i pavarur nga drejtësia. Nuk vjen dot një prokuror të thotë pse ti e vendose kështu dhe nuk e vendose ashtu, kjo është një katastrofë, dhe kjo gjë ka ndodhur. Nëse vendimi im është një vendim i cili ka një prapavijë të qëllimshme, jo padashje, të qëllimshme për të përfituar në mënyrë të paligjshme apo për të sjellë një dëm në mënyrë të vetëdijshme këtu nuk jam i pavarur, këtu është pavarësia e drejtësisë që vjen tek unë.

Që nga fillimi i këtij kapitulli të drejtësisë speciale, janë 37 raste. E dini ju sa raste nga këto 37 që përfshin natyrisht funksionarë të niveleve të ndryshme, i përkasin viteve të mandatit të parë dhe të dytë të kësaj qeverie? Janë rreth 80%. Ne ndërkohë që vetëm një pjesë e vogël e tyre janë raste që lidhen me periudhën e mëpastajme. Për rastet për të cilat po flasim kemi nga të gjitha, kemi dënim për prerje pylli të një kryetari bashkie, është një dënim skandaloz, kryetari i bashkisë së Fushë Arrëzit ka hapur një rrugë për komunitetin ku janë prerë disa pemë. Ka bërë burg për prerje pemësh. Rasti është turp.

Pabarëzia në tender është një vepër tjetër, jo korrupsion, është vepër penale, po e përmbledhur ccfarë dua të them… Qëkur mesazhet janë prova? Dhe qëkur mesazhet janë ushqim për mediat? Dhe qëkur mbi bazën e mesazheve bëhen gjyqe si në kohën e gjuetive të shtrigave kur ngrihej turra e druve se ky i tha atij ashtu dhe ai i tha atij tjetrit ashtu? Qëkur? Patjetër që mesazhet dhe ccdo gjë tjetër që lidhet se kush tha dhe ccfarë tha patjetër që janë pjesë e një procesi, por parafytyroni vetëm kaq, çfarë ndodh dhe sa përgjegjësi ka secili nga pjesëmarrësit në këto gjyqet e shtrigave kur dikush të dalë i pafajshëm? Për çfarë i duhet pafajësia kur i është shkatërruar totalisht jeta dhe familja? Kush ia kthen mbrapsht jetën? Drejtësia demokratike ka vendosur kufij!