Rama me Presidenten e KE-së: Shqipëria në rrugë të mbarë drejt Bashkimit Europian

Pas takimit të zhvilluar në Kryeministri, kreu i qeverisë shqiptare, Edi Rama dhe Presidentja e Këshillit Europian, Ursula vor der Leyen, kanë mbajtur një konferencë të përbashkët për mediat.

Kryeministri ka zbuluar diskutimet që janë bërë mes tyre, teksa tha se ka marrë dhe konfirmimin prej saj se Shqipëria po ecën në rrugë të mbarë dhe me shpejtësi drejt BE-së.

“Kënaqësi të rimikpresim Presidenten e Komisionit Europian në një ditë të ngarkuar me aktivitete. Patëm diskutime për tema interesi të përbashkët. Mbetet një moment shumë i rëndësishëm dhe e vlerësojmë faktin që Presidentja dhe Komisioni i japin një rëndësi të posaçme Ballkanin Perëndimor dhe vëmendje të veçantë procesit të përafrimit të vendeve tona me Ballkanin Perëndimor.
Kemi folur për ecurinë e procesit të Shqipërisë drejt BE-së, që në këndvështrimin tonë, e nga sa dëgjova dhe nga Presidentja është duke ecur me shumë mbarësi dhe shpejtësi.
Folëm për planin e rritjes që BE i ka vënë në dispozicion Ballkanit Perëndimor. Edhe në këtë pikë morëm vlerësim pozitiv dhe do vijojmë të kryejmë me këmbëngulje detyrat që kemi marrë përsipër”, tha Rama.