Rama ndan pamje nga Impianti i përpunimit të mbetjeve në Tiranë: Duhet ulur volumi në përfundon në landfill

Kryeministri Edi Rama ka ndarë pamje nga puna në Impiantin e përpunimit të mbetjeve në Tiranë.

Rama thotë se falë investimeve po rikualifikohet edhe i gjithë peizazhi përreth, ndërsa synimi mbetet rritja e sasisë së mbetjeve të rikuperuara dhe të ricikluara, në mënyrë që të ulet volumi që përfundon në landfill.

“Në Impiantin e Përpunimit të Mbetjeve në Tiranë, puna vijon pa asnjë ndalesë, ku kryhen të gjitha hallkat e menaxhimit modern të mbetjeve dhe ku, falë investimeve, po rikualifikohet edhe i gjithë peizazhi përreth, ndërsa synimi mbetet rritja e sasisë së mbetjeve të rikuperuara dhe të ricikluara, për të ulur volumin që përfundon në landfill, teksa programi i edukimit mjedisor me nxënës dhe studentë po sjell një energji të re në arritjen e këtij objektivi Ministri i Mjedisit, Sofjan Jaupaj, inspekton punën në terren.”, shkruan Rama krahas videos që ka postuar në rrjetet sociale.