Vrasës me licensë shtetërore

Nga Blendi Fevziu

Kishte vendosur të kalonte pushimet në Shqipëri! Kishte sfiduar rreziqet e paralajmeruara dhe skepticizmin që e shoqëron këtë destinacion; kishte vendosur t’i kalonte ato pak ditë duke notuar në ujrat e mrekullueshme të jugut të Shqipërisë; midis detit turkuaz dhe maleve të larta që prodhojnë një pamje mahnitëse. Ai do të kishte qenë me siguri një fans i madh i Shqiperisë dhe i bukurive tona, sikur ky vend që zgjodhi me aq besim të mos kthehej ne varrin e tij.
Kështu mund të përshkruhet pak a shumë historia tragjike e kësaj mesdite në Himarë, kur Denis Kaiumov, një shtetas rus, nga Shën Petërsburgu, që po notonte ne det, u masakrua nga një motorr uji ose gomone. Nga ato që vërtiten kërcënuese, cdo ditë, cdo orë, në ujrat e mrekullueshëm të Jugut. Që thyejnë cdo rregull, cdo ligj, cdo masë sigurie dhe që në shumicën e rasteve, drejtohen nga djemtë dhe vajzat e përkëdhelura të njerëzve të fuqishëm të këtij vendi. Atyre që njihen si të paprekshëm dhe që besojnë se ligji nuk ekziston dhe nuk ka vlerë për ta. Turisti i huaj që notonte në det, është goditur dhe lënë aty, pa ndihmën e parë, pa e transportuar në spital, ndërsa motorristi vrasës është larguar pa lënë gjurmë, duke kryer kështu një krim të dyfishtë. Goditjen e notarit dhe braktisjen e tij në gjendje të rëndë, pra fshehjen e krimit. Nëse ai do kishte ndaluar ta conte në spital, i ndjeri mund të ishte ende gjallë sot.
Historia ishte tronditëse dhe befasuese për shumë vetë, por jo për mua. Si një notar i distancave të largëta në ujrat e bregut, në 3 vitet e fundit më shumë shpenzoj kohë për t’u ruajtur nga motorrët e tërbuar se sa notoj në destinacionin tim. Që prej 30 vitesh notoj gjithnjë në të njëjtën distancë, thuajse 50 metra nga bregu, paralel me të, dhe jam bërë jo rrallë dëshmitar i tmerrit që notarët apo familjarët provojnë nga performanca e cmendur e adoleshentëve mbi motorrë uji. Ecin me 50 milje në orë, 12 – 15 metra nga bregu, për t’i lënë më shumë mbresë vajzave që janë aty, apo që shokët e tjerë ti filmojnë për snapchat. Futen midis zonave të rrethuara të plazheve private duke bërë rrotullime spektakolare, sikur janë pilotë të garave ekstreme dhe jo pushues si gjithë të tjerët. Janë bërë një kërcënim konstant, në shkelje konstante të ligjit. Si në gjithë botën edhe në Shqipëri, vendnisja e tyre duhet të jetë e mirëpërcaktuar, duhet të ketë një platformë dhe një instruktor. Motorrët duhet të dalin në det me maksimumi 5 milje në orë dhe vetëm kur te jenë 1 km nga bregu mund të ecin lirshëm. Në Shqipëri ligji është bërë 150 metra nga bregu dhe nuk respektohet thuajse kurrë. Zonat e limituara nuk ekzistojnë sepse bashkitë nuk kanë bërë asgjë për këtë. Ndaj mund të shohësh në opinion.al dhe në facebook me dhjetra video kur adoleshentë dhe fëmijë që nuk kanë mbushur ende moshën, bëjnë pirueta midis kokave të pushuesve që lahen. Në perëndim nëse shkel ligjin drejtuesi gjobitet, ndërsa pronarit i konfiskohet mjeti. Në Shqiperi nuk ka asnjë rast të tillë. Sot mësova se në gjithë rastet e konfiskimeve nga policia, motorrët janë kthyer mbrapsht nga Prokuroria ose Gjykata. Dhe ata vijojnë xhiron e tyre të cmendur, që mbi të gjitha, në Shqipëri kushton më shtrenjtë edhe se në BE, 90 mijë leke të vjetra për 30 minuta.
Në 2 vitet e fundit personalisht kam shkembyer kushedi sa telefonata me Ministrin e Brendshëm apo drejtues policie për këtë problem. I fundit një javë më parë. I tmerruar nga parada makabre që këta motorrë bëjnë ndërsa ti je në det, krejt i pambrojtur, edhe pse zakonisht unë notoj me një mjet identifikues. Në të gjitha rastet që mjetet janë bllokuar, më insistim personal, kanë rezultuar ose pronë e ndonjë vrasësi me pagesë, ose ndonjë djali deputeti, ose biznesmeni, që ja përplaste në fytyrë policit sigurinë e tij: fol me babin tim, s’ke punë me mua.
Në dy vitet e fundit ka pasur së paku 5 viktima nga ky fenomen, pa llogaritur tmerrin e pushuesve në plazh dhe merakun e prinderve për fëmijët. Po askush nuk është shqetësuar deri tani. Pushteti lokal i pari. Ai që duhej ti pajiste me licensë, por që në vend të licensës së lundrimit, ju ka dhënë licensën e vrasësve. Dhe vrasja ka ndodhur sot, duke kthyer mbrapsht me arkivol, një të huaj, që deshi të pushonte në Shqipëri, duke besuar se ky vend e meritonte vëmendjen dhe dashurinë e tij. Por që nuk është cudi, që ky det të kthehet në varr edhe për shumë të tjerë, sepse ky shtet, nuk ka fuqi ose nuk do, të ndalojë ca shkelës të përkëdhelur ligji, që të japin spektakël kriminal përpara qytetarëve të pambrojtur të tij.

Ruani kokën njerëz, jeni në një vend pa shtet!

Nga Mentor Kikia

Nje turist i huaj humbi jeten ne menyre makabre duke pushuar ne plazhet tona. Nje mjet lundrues, skaf thote policia, i kaloi per siper dhe e copeptoi. Vetem 50 Metra nga bregu. Te tjera burime flasin per nje gomone. Nuk ka rendesi cfare dreqin ishte mjeti, por pronari i tij u zhduk bashke me te pas krimit.

Por nje pyetje kam une per policine kufitare dhe bashkine qe menaxhon plazhet: perse nje gomone apo skaf apo c’dreqin tjeter, duhet te lundroje 50 larg bregut, aty ku lahen njerezit? Kjo tragjedi e nje njeriu qe kishte ardhur nga Shen Pjeterburgu, te sherbeje si alarm per kete dreq shteti qe kurre nuk ve rregull. Edhe sivjet motorat e ujit vazhdojne te vallezojne mes kokave te njerezve. Dy pushuesve vjet ua hapen kafkat. Dhe sa here ka tragjedi te tilla, shteti bertet per ndalimin e ketyre mjeteve. Por jo, duhet vendosur perimetri i sigurise, duhen vendosur kordonet e Sigurise. Ato qe jane ne plazhet e cdo fshati ne Mal te Zi, e ne Greqi, te pakten. Nje kordon sigurie e nje rregull qe askush qe perdor mjete lundrimi te mos e kaloje. Eshte e thjeshte shume per tu bere. Thjeshte duhet bere dhe kaq.. Por ketu se kuptoj pse vazhdojme te mos i veme keto gjera qe kushtojne shume pak. Se kuptoj pse motorrat e ujit vazhojne lejohen te fluturojne mbi kokat e njerezve. Vazhdojme te rrisim taksat e cmimet cdo vit dhe serish nuk ofrojme asnje grime sigurie. Fare! Dhe kjo eshte e tmerrshme.

Njerez ruani koken se jetoni ne nje vend ku shteti ben gjithcka, vec per jeten e njerezve nuk kujdeset.