Reagime për shkarkimin e padrejtë të zv/dekanit të fakultetit të inxhinierisë së së ndërtimit, Agim Seranaj

Profesor i inxhinierisë së ndërtimit, Agim Seranaj, njihet si një nga inxhinierët më profesionistë në Shqipëri. Ai ishte zv/dekan deri para tre ditëve. Inxhinier Seranaj ka mbaruar ndër të vetmit fakultetin me medalje ari, gjë që ndodh shumë rrallë në fakultetin e inxhinierisë së ndërtimit.

Agim Seranaj, jo vetëm është pedagogë korrekt dhe me dinjitet, porse në ditët e pas tërmetit vraponte në pikë të mëngjezit me grupin tjetër të inxhinierëve të Institutit të Ndërtimit, duke punuar me orë të tëra në Durrës për të parë nga afër gjëndjen faktike të godinave, ashtu sikur vraponte në kthim për në Tiranë që të kapte orët e mësimit me studentët e fakultetit.

E kemi parë sa nga njëra studio televizive në tjetrën duke folur për pastërmetin, për mënyrën se si mund të rregullohet situata, ashtu sikurse ishte i prerë të mos bënte asnjë kompromis me këdo që donte të shpëtonte pallatin t’ia firmosnin sikur është në rregull.

Agim Seranaj hartoi dhe një letër-kërkesë drejtuar kryeministrit Rama se si duhej ndryshuar metoda e punës për lejet e ndërtimit, se si duhet të jenë specialistët e fushës ata që duhej të vendosnin kriteret, zonat, etj në ndërtime.

Por çuditërisht dhe pabesisht dikush u ndje keq nga rritja e prestigjit dhe emrit të Agim Seranaj dhe e shkarkoi. Apo mundet dikush në qeveri nuk ka pranuar kërkesat dhe problemet që inxhinieri i talentuar Seranaj ka kërkuar kryeministrit.

Por një gjë dihet; ky shkarkim mbetet një njollë turpi për ata që e kanë bërë dhe firmosur.

Reagime për shkarkimin e padrejtë të zv/dekanit të fakultetit të inxhnierisë së ndërtimit, Agim Seranaj ka patur plot në media dhe rrjetet sociale. Po botojmë vetëm se çka shkruan Fisnik Kadiu, inxhinier dhe pedagog i njohur, tashmë në pension:

Ja statusi i Fisnik Kadiu:

Sinqerisht, sot ndjej keqardhje për shkarkimin nga detyra e zv/Dekanit në Fakultetin e Inxhinierisë së Ndërtimit (FIN), Agim Seranaj, shkarkim të cilin e mësova nga facebook.

Sepse:
1. Prof. Agim Seranaj, ish student i imi, ka një histori suksesi në Fakultetin e Inxhinierisë së Ndertimit, nga periudha e studimeve e deri me sot; të cilën e ka “shkruar” pa ndihmen e askujt, me një punë kolosale si student model, i sjellshëm dhe plot edukatë e respekt në raport me të gjithë, studentët e pedagogët.

2. Ka mbaruar studimet me diplomë shkëlqyeshem (medalje ari).

3.Një nga organizatorët më të zot në menaxhimin e institucionit prej shumë vitëve, që FIN nuk ka patur pas viteve 1990; ku shpaloste një vetëdije të pastër prej intelektuali të vertetë dhe të papërsëritshëm në FIN.

4.Në nga pedagogët më të përgatitur në fushën e mësimdhënies, që unë kam patur në fakultet prej disa dekadash. Një mësimdhënës i zot profesionalisht, me karakter dhe vlerësues objektiv i studentëve, duke gëzuar respektin e qindra inxhinierëve të diplomuar deri më sot.

5. Një specialist projektues i ndërtimeve me pa mëdyshje i nivelit evropian. Projektues i qindra objekteve në të gjitha bashkitë e vendit, dhe asnjë reagim negativ edhe nga tërmetet e fundit në Shqipëri.

Së fundi,
Unë personalisht i kuptoj “eprorët” për këtë vendim që askush nuk e dëshironte, sepse nuk mendoj që të ketë një lidhje direkte me shkelje të ligjit të Arsimit të Lartë, por unë mund të them që ky demotivim për Prof. Agim Seranaj do të krijojë një cëdim intelektual në moralin e stafit akademik të FIN, pasi një vendim të tillë, ashtu si edhe unë tani në pension, por edhe koleget nuk do t’a pranojnë lehtë.