Resorti në Zvërnec, Rama: Shteti nuk po fal asgjë, është pronë private

Kryeministri Edi Rama ka reaguar për ndërtimin e një resorti në Zvërnec, që ka ngjallur diskutime në publik e protesta të banorëve atje.

Rama tha se shteti nuk ka falur asgjë, sepse ajo tokë nuk i përket shtetit, por ka qenë private për breza me radhë.

“Po dalin disa lajme me demek shteti po fal Zvërnecin. Shteti nuk po fal asgjë, sepse shteti aty nuk ka asgjë. Ajo është një pronë private, dem baba dem. Investitorët e përfshirë në atë biznes, janë investitorë seriozë që atë pronë e kanë marrë nga privatët.

Shteti ka pasur në anën tjetër të projektit, ku është ishulli i Sazanit, ku ende nuk kanë mbaruar negociatat, pasi Korporata e Investimeve është pjesë e projektit. Edhe toka e ishullit do të jetë e shtetit shqiptar”, tha Rama.