Selia Blu edhe Ervin Salianjin e nxori “tradhtar”!

Dje u zhvillua mbledhja e kryesisë së PD-së. Kishte debate, bile të ashpra mes Ervin Salianjit dhe Flamur Nokës. Por edhe mes Salianjit dhe Berishës.

Deputetët Blend Himçi dhe Elda Hoti i kanë thënë në sy Salianjit: “Firmosëm për Endri Shabanin se na e kërkove ti. Na more në telefon dhe na kërkove si nderë që ti japim firmën. Pastaj dole ne TV dhe the dhënia e firmave ishte gabim”.

Madje deputetët kanë informuar kryesinë se ish-deputeti Salianji, përmes Suel Çelës, dhe Sara Miles (PS) po tenton të organizojë takim në Elbasan, duke e shitur si takim me demokratë.

Pra e akuzojnë tani si tradhtar, pasi bëri burg për PD-në dhe nuk e futën as deputet se nuk e lejonte ligji se ishte dënuar me vendim të formës së prerë nga gjykata.

Salianji pas takimeve në Durrës dhe Gjirokastër, ku ishin sallat plot me njerëz, po i thuhet nga Kryesia e PD-së se po “punon për kryeministrin Rama”!!

Në fakt lëvizja e Salianjit e ka shkundur PD-në nga përgjumja dhe rehatia në zyrat e selisë së PD-së si dhe ka trazuar ujërat e ndenjura në oborrin e selisë Blu.

Berisha, që viti 1992, ka shpallur shumë “grupe armiqësore” në PD.

/Daniel Muçaku/