Drejtuesja politike e PD-së për Diasporën, Jozefina Topalli tregon nëse selia blu ka njerëz për të zëvendësuar Sali Berishën.
”Nuk ka. Që kur ka dalë, Sali Berisha ka sjellë një frymë tjetër brenda strukturave dhe jashtë tyre. Në vitin 2017, ai që ishte në krye të PD, zhduku klasën politike dhe mori një grup njerëzish që ishin mirë me kryetarin. Tani ky kapitull është mbyllur dhe është një realitet tjetër”,-tha në ”A2cnn”.
Kur u pyet nëse do të kandidojë në primare, Jozefina Topalli tha se nuk e ka menduar shumë këtë gjë. ”Jam e përqendruar tjetërkund. Nuk do merrem me primaret aktualisht, por unë në jetën time politike nuk kam hyrë me listën e kryetarit, por kam kandiduar duke pasur tjetrin përballë. Prandaj nuk e mendoj ndoshta”, tha Topalli.
Pra Berisha nuk zëvendësohet! Edhe kandidat për kryeministër nuk pranon të zgjedhin dikë tjetër që të përballet me Edi Ramën. Do të kandidoj Berisha, prapë, por sondazhet nuk i japin asnjë shans të fitojë PD-ja.