Studentët, kryeministrit Rama: Ose realizo kërkesat njerëzore, ose grevë urie!

Studentët janë mërzitur nga indiferenca e qeverisë. “Në se nuk plotësohen të gjitha kërkesat, protesta do të përshkallëzohet dhe do të futemi edhe në grevë urie”– kanë lëshuar ultimatumin studentët, në ditën e tretë të protestës.

Gjatë fjalimeve të tyre ata kanë ripërsëritur edhe 3 (nga katër) kërkesat e pa negociueshme për qeverisë Rama: Përgjysmimi i tarifave vjetore; Përmirësimi i kushteve në konvikte; dhe përfaqësimi i studenteve në bordet e universiteteve.

Deri më tani ministria qeveria ka plotësuar vetëm heqjen e pikës 4. Ndërsa për pikat e tjera nuk pranon.

Sot përveç ultimatumit që i kanë dhënë qeverisë për radikalizim të protestës, studentët kanë bërë publike edhe axhendën për javën tjetër. Ata kanë deklaruar se të dielën edhe ditën e hënë, nuk do të ketë protesta, por ato do të rinisin edhe më të organizuar dhe të fuqishme, mëngjesin e të martës, më 11 dhjetor.

Të martën do jetë DITA FINALE. Mundet që edhe opozita ti bëjë thirrje familjarëve të studentëve të dalin në protestë, por këtë herë para zyrës së kryeministrit Rama.