Studentët, mesazh Edi Ramës: Plotëso kërkesat ose bëhu gati të ikësh!
Pas protestë së madhe të zhvilluar sot në Tiranë, e cila përfundoi më bllokimin për disa orë të rrugëve kryesore, një pjesë e studentëve vijojnë të qëndrojnë përballë godinës së Kryeministrisë. Pavarësisht se mbrëmjen e sotme ka reshje të mëdha shiu në Tiranë, studentët janë sërish të vendosur për të çuar deri në fund kauzën e tyre.
Në prononcimet e dhënë për mediat, një prej studentëve ka deklaruar se nëse kërkesat e tyre nuk plotësohen atëherë ditët e ardhshme protesta mund të agravojë në dhunë.
Për herë të parë në qëndrimet e studentëve është artikuluar jo vetëm ideja e protestave të dhunshme, por edhe mundësia që mitingjet të kalojnë në kërkesën për largimin e Kryeminsitrit.
“Kemi vendosur të marrim situatën në dorë, duke bllokuar rrugët dhe duke bërë mosbindje civile. Kemi vendosur që të mos bëhemi ende të dhunshëm pasi besojmë se kërkesat tona do të realizohen. Po mundohemi akoma ta mbajmë protestën e qetë, por nuk ju garantojmë se do të jemi edhe në ditët në vijim. Nëse kërkesat tona nuk plotësohen do të ketë përshkallëzim të protestës e cila mund të shkojë edhe në dhunë. I themi Ramës mos ki frikë, hajde këtu. Nëse do dialog hajde këtu, pasi ne nuk shkojmë aty brenda, pasi kemi patur edhe kërcënime. I themi Ramës hajde bëje dialogun me kushtet tona, ne të vumë atje ne të heqim fare mirë”,- tha një nga studentët.
Ndërkohë që një tjetër student u shpreh se kryeministri është treguar arrogant me ta, por as kjo arrogancë nuk do të mund ti përçajë studentët. “Studentët do të protestojnë për çdo të drejtë që do ju mohohet. Ne presim vendime zyrtare jo reagime në rrjete sociale. I themi Ramës që fëmijën e vet ta çojë në sistemin arsimor shqiptar. Deri tani ne nuk kemi besim tek Rama sepse ai është treguar arrogant për kauzën tonë, ne presim vendime”,- tha një tjetër prej studentëve që protestojnë para godinës së Kryeministrisë.
Çfarë ndodhi sot në ditën e 13 të protestës së studentëve…
- Mosbindje civile. Studentët bllokojnë rrugët kryesore në Tiranë (VIDEO)
- Rama, studentëve: Çfarë borxhi u kanë qytetarët që bllokoni rrugët?!
- Rama provokon studentët që protestojnë poshtë zyrës së tij
- Ngjela: Rama, një kryeministër sa i lig, aq dhe budalla
- Policia ngre dron për ta monitoruar protestën (FOTO)
- Plan B për protestën, Studenti: E kemi për Kryeministrin
- Studentët protestë masive, policia blindon Kryeministrinë
- Basha, thirrje shqiptarëve: Bashkohuni të gjithë me studentët
- Kryeministri sulmon protestën e studentëve
- Studentët nuk lejojnë Taulant Mukën që të flasë në protestë
- Studentët e revoltuar: Nuk durojnë më! Nuk ka më protestë paqësore
