[youtube url=”https://www.youtube.com/watch?v=pPmZ-C4ainc” width=”560″ height=”315″]

[youtube url=”https://www.youtube.com/watch?v=eCzuRevn31s” width=”560″ height=”315″]

[youtube url=”https://www.youtube.com/watch?v=rS3iaE3xUSY” width=”560″ height=”315″]

[youtube url=”https://www.youtube.com/watch?v=rS3iaE3xUSY” width=”560″ height=”315″]

Dështon grushti i shtetit

Dështon tentativa për grusht shteti e një grupi ushtarak deklaron kreu i  ushtrisë. Umit Dundar tha se 104 pucistë janë vrarë.

Tentativa për grusht shteti nga një grup ushtarak turk dështoi pas disa orësh pasi mijëra turq mbështetës të presidentit Erdogan iu përgjigjen thirrjes së tij për të dalë në rrugë për të mbrojtur shtetin.

Dhjetra ushtarë rebelë braktisën tanket të cilët mbrëmjen e së premtes 15 korrik 2016  kishin dalë nëpër rrugët e Stambollit dhe të Ankarasë.

Ndërsa prova finale e dështimit ishte rikthimi i presidentit të Turqisë Rexhep Taip Erdogan në Stamboll gjatë orëve të para të mëngjesit.

Kryeministri turk, Yildirim deklaroi sot në mesditë se janë 161 të vdekur dhe rreth 1440 të plagosur gjatë përleshjeve të mbrëmjes duke u gdhirë e shtuna 16 korrik 2016. Më shumë se 2800 anëtarë të forcave të armatosura janë arrestuar. Duke akuzuar Gylen si organizatorin e këtij grushti shteti, kryeministri deklaroi:  “Çdo shtet që do të mbështesë Gylen do të jetë në luftë me Turqinë”

I rrethuar nga mbështetësit që  brohorisnin me entuziazëm,  live në TV, Erdogan tha sot në mëngjes se përpjekja  për grusht shteti ishte një “akt tradhtie” dhe ushtria duhet të pastrohet.

Ai ishte me pushime në një resort në jugperëndim të Turqisë kur u mësua grushti i shtetit.

Erdogan u zotua se organizatorët e grushtit do ta paguajnë shtrenjtë.

Por Turqia është përfshirë nga kaosi.

Ministri i brendshëm turk, Efkan Ala thotë se 29 kolonelë, 5 gjeneralë turq janë larguar nga detyra ndërkohë U vranë 16 organizatorë të puçit

Shteti paralel integroi në ushtri njerëzit e tij përfshi 5 gjeneralë, 29 kolonelë të cilët janë pezulluar nga ministri i Brendshëm turk shkruan agjencia e lajmeve Anadolu

Ora 12:00 “Çdo shtet që do të mbështesë Gylen do të jetë në luftë me Turqinë”
“Çdo shtet që do të mbështesë Gylen do të jetë në luftë me Turqinë” Kjo ishte deklarata që kryeministri truk Binali Yildirim dha në një konferencë për median

“Çdo shtet që mbështet Gylen nuk do të jetë më mik i Turqisë dhe do të konsiderohet në luftë me Turqinë”

Aktualisht Gylen jeton në ekzil në SHBA.   Në Turqi ai përshkruhet si njeriu i dytë më i fuqishëm. Qeveria e akuzon Gylen si organizatorin e grushtit të shtetit ndërsa vetë  Gylen i ka hedhur poshtë këto deklarata. 

Anëtarët e strukturave paralele janë në duar të drejtësisë dhe do të marrin dënimin e merituar tha kryeministri

Çfarë ndodhi?

Natën e së shtunës (16.07) Turqia është tronditur nga një puç ushtarak. Pjesë të ushtrisë kanë bërë përpjekje për të marrë pushtetin. Situata duket se është vënë nën kontroll, por gjendja nuk është stabilizuar.

Puç i papritur ushtarak në Turqi. Përpjekja ka dështuar, por gjendja mbetet kritike. Qeveria turke e cilësoi të dështuar përpjekjen e një pjese të ushtrisë për të marrë pushtetin në dorë. Ndërtesa e parlamentit turk është dëmtuar pas sulmeve nga ajri të puçistëve. Në përpjekjen për puç ushtarak në Turqi janë vrarë të paktën 90 vetë, bën të ditur agjencia turke e lajmeve, Anadolu. 1154 vetë janë lënduar. Sipas të dhënave nga qarqet qeveritare 1563 ushtarakë janë arrestuar në të gjithë Turqinë. Po ashtu në afërsi të pallatit presidencial ,avionë luftarakë kanë hedhur bomba. Edhe ndërtesa e Shërbimit Sekret Turk është sulmuar natën e së shtunës, bëjnë të ditur, përfaqësues të institucionit. Por kreu i Shërbimit Sekret, Hakan Fidan është dërguar në një vend të sigurtë.

Parlamenti turk në seancë të jashtëzakonshme

Kryeministri turk, Binali Yildirim ka bërë thirrje për mbledhjen e parlamentit turk në një seancë të jashtëzakonshme. “Situata është gjerësisht nën kontroll”, tha ai.

Një gjeneral ndër puçistët është qëlluar për vdekje, bëri të ditur Yildirim. “Turqia nuk udhëhiqet nga ushtria”, citohet nga mediat kryeministri turk, i cili ka dhënë edhe urdhrin për të qëlluar avionin ushtarak të marrë peng. Ushtria do të ndryshojë radikalisht.

Gjenerali Ümit Dündar është vendosur përkohësisht si drejtues i shtabit ushtarak, bëri të ditur, agjencia turke e lajmeve, Anadolu. Në rrugët e Ankarasë dhe Stambollit janë parë tanke dhe njerëz që vraponin në panik, kur dëgjoheshin të shtëna. Ndërkohë qytetarë të zemëruar e përkrahës të Erdoganit janë ngjitur në tanke apo i pengonin ata në rrugën e tyre, siç kanë treguar pamjet televizive. Në Stamboll ë afërsi të sheshit Taksim ushtarët janë parë se si dorëzoheshin në urëne Bosforit dhe merreshin në pranga nga policia.

E përditshmja zvicerane “Tages Anzeiger” e ka komentuar të shtunën (16.07) kështu përpjekjen për puç në Turqi: “Për një kohë të gjatë dukej se Erdogan e kishte fituar luftën për pushtet me ushtrinë, edhe përmes proceseve spektakolare, jo edhe aq të pastra. Kur Erdogan ndërmori përpjekjen për të çuar Turqinë drejt Bashkimit Europian, ai e përdori këtë për të kufizuar kompetencat e ushtrisë. Madje parak pak javësh, u duk se ai bëri një hap afrimi me ushtrinë, duke ia rikthyer kompetencat, por me sa duket Erdogan ka bërë vlerësimin e gabuar për ushtrinë.”

 Ku shkoi Erdogan gjatë Grushtit të Shtetit?

Presidenti turk Erdogan, i cili ishte me pushime në qytetin turistik të Marmaris, kur filloi grushti i shtetit, u nis me një avion privat, i cili nuk kishte destinacion të përcaktuar.Radarët kanë regjistruar momentin kur avioni i presidentit është sjellë vërdallë në ajër mbi Turqi dhe nuk e kaloi asnjëherë kufirin.

Avioni fluturoi gjatë në formë rrethi për tu ulur më pas në Stamboll, ku presidenti u prit nga një turmë e madhe njerëzish, ndërsa grushti i shtetit kishte dështuar.

Reuters ka publikuar sot në mëngjes se si duket rrugës e Stambollit dhe Ankarasë pas natës së mbrëmshme, ku ushtarët turq tentuan të bëjnë grusht shtet.