Vasili: Rama tradhëtari pa atdhe, që po duartrokitet në Greqi
Nënkryetari i Lëvizjes Socialiste për Integrim Petrit Vasili akuzon kryeministrin Edi Rama për tradhti kombëtare lidhur me zgjerimin e kufirit detar të Greqisë me 12 milje në detin Jon.
Përmes rrjeteve sociale, Vasili shprehet se tashmë Rama është një tradhtar pa atdhe që po duartrokitet në Greqi për qëndrimin e tij duke i dhënë të drejtë shtetit fqinj në pretendimet e saj.
Reagimi i Petrit Vasilit
Rama tradhtari pa atdhe, që po duartrokitet në Greqi!
Edi Rama është sot nën akuzën e tradhtisë së lartë nga shqiptarët!
Ai po përpëlitet shëmtueshëm, i përdhosur dhe turpërisht duke kërkuar që të justifikojë tradhtinë e tij.
Greqia po e duartroket këtë se i intereson shihni mediat më të mëdha greke. (Foto).
Duke u qëndruar larg alibive të lodhura të një tradhtari të kapur me presh në dorë si Rama, që nuk lë të gjallë e të vdekur pa përmendur edhe pse nuk kanë asnjë lidhje, vetëm e vetëm që t’i ikë fajit të tradhtisë, le të vijmë te tradhtia e tij për detin.
Duke ju referuar vetë fjalëve vetë-demaskuese të tradhtarit më bajat që Shqipëria ka parë, po bëjmë këto pyetje të thjeshta si vetë shkollëpaku të cilit i drejtohen.
- Përse përballë një çështjeje kombëtare të tillë, si kjo e Kufirit Detar, grupi negociator i Shqipërisë qenka i paplotësuar dhe vazhdon si i tillë?
- Cili interes i huaj dhe privat ia mban dorën tradhtarit, që e pengon ta plotësojë grupin negociator?
- Po si mundet tradhtari të justifikojë që përballë një Greqie shumë të përgatitur dhe me nivel të lartë ekspertësh, Rama vendos një grup ekspertësh copë-copë, të paplotësuar dhe me një udhëheqje politike zero?
- Në funksion të cilit interes Qeveria dhe Grupi Negociator për dy vjet rresht u ngroh në diell dhe s’bëri asgjë, ndërkohë, që pala greke punon e bën gjithçka për të marrë detin?
- Përse tradhtari nuk informon shqiptarët, të cilëve informacionet në çdo rast për Kufirin për Detin u vijnë nga Greqia?
- Kush ja mban tradhtarit dorën të kërkojë ekspertizën më të mirë ndërkombëtare dhe ta paguajë siç paguan koncesionet e tij hajdute?
- Si shpjegohet që Greqia është gjithmonë shumë e kënaqur nga qëndrimet e tradhtarit, në një kohë që dihet botërisht se interesat e Shqipërisë cenohen?
- Përse tradhtari nuk ka bërë e bën asnjë veprim për t’i dalë përpara logjikës së faktit të kryer të palës greke?
- Meqenëse tradhtari i përmend vetë, përse nuk informon shqiptarët se çfarë bashkëpunimi ka pasur, nëse ka pasur, me Presidentin dhe Parlamentin për këtë çështje kombëtare?
- Çfarë komunikimi ka pasur tradhtari me institucionet ndërkombëtare, nese ka pasur, për të ngritur shqetësimet për kufirin detar e për të kërkuar mbështetjen e tyre profesionale dhe politike?
- Përse tradhtari nuk bën publike se çfarë marrëveshjeje kishte bërë dhe ishte thuajse gati të firmoste me qeverinë greke të Tsipras-it?
Mos u përdridh tradhtar!
Kthe përgjigje për pyetjet!
Retorikat e çatrafiluara të një pazarxhiu kufijsh të deklaruar nuk i duhen askujt.
Shqipërisë detin nuk ja merr dot kush se ka zot, por tradhtari do të paguajë për gjithçka bëri dhe bën për të shitur detin e Shqipërisë dhe kufijtë e Kosovës.
https://www.facebook.com/petritvasil/photos/a.1702860043347154/2436330760000075/?type=3&theater