Nënkryetari i LSI-së, Petrit Vasili deklaron se projektligji i PS-së për Gjykatën Kushtetuese është një skenar i Rilindjes për të kapur këtë institucion. Në një reagim në Facebook, Vasili argumenton se prekja e Kushtetutës dhe vet Gjykatës Kushtetuese me një ligj nga ana e PS minon gjithë parimet e ligjit themeltar të shtetit, por edhe institucionin më të lartë të drejtësisë në vend.
“Rilindja kërkon te legjitimoje betimin e Lanës dhe jo betimin kushtetues te Gjyqtareve Kushtetues te Presidenti. Për Rilindjen ujërat e qelbura dhe bretkosat hetimore të Lanës dhe jo ujerat e pastra të Reformës në Drejtësi te votuar me 140 vota janë mënyra e saj moçalore e jetesës”,- deklaron Petrit Vasili.
Reagim i plotë i Petrit Vasilit në Facebook:
“Rilindja turperisht ne krah te betimit te Lanës! Ndryshimet e propozuar nga Rilindja, ne ligjin “Per organizimin dhe funksionimin e Gjykatës Kushtetuese”, për të legalizuar betimin e Lanës dhe që dhunojnë hapur Kushtetutën e ndryshuar me 140 vota, janë dëshmi e qarte e skenarit te saj kriminal per kapjen e Gjykates Kushtetuese.
Rilindja kërkon te legjitimoje betimin e Lanës dhe jo betimin kushtetues te Gjyqtareve Kushtetues te Presidenti.
Për Rilindjen ujërat e qelbura dhe bretkosat hetimore të Lanës dhe jo ujerat e pastra të Reformës në Drejtësi te votuar me 140 vota janë mënyra e saj moçalore e jetesës.
Për Rilindjen Reforma në Drejtësi është një rreckë pa vlerë. Për Rilindjen Reforna në Drejtësi është thjesht një demagogji e shpenzuar me tonelata për tu hedhur hi syve shqiptarëve. Per Rilindjen Reforma ne Drejtesi është thjesht mjet per kapjen e drejtësisë, qe ajo te mos ndëshkoje rilindjen por vetëm qytetaret e thjeshte.
Për Rilindjen Reforma ne Drejtësi është instrument për të ndenjur ne pushtet.
Për Rilindjen Reforma ne Drejtesi eshte krijimi i drejtesise qe mbron te korruptuarit, kriminelet dhe trafikantet, klientët dhe telekomanduarit e deklaruar te qeverisë.
Lexojeni miq komentin e mëposhtëm dhe argumentimin e tij shterrues:
“Pse Projektligji “Për organizimin dhe funksionimin e Gjykatës Kushtetuese”, depozituar në parlament bie në kundërshtim me Kushtetutën”.
Nga Edison Balla
Në kohën kur debati mbi mungesën e Gjykatës Kushteuese në vend “gëlon” në çdo studio dhe hapësirë publike, deputetët e majtë gjejnë kohën që të depozitojnë në parlament një projektligj për të bërë ndryshime në Ligjin nr. 8577, date 10.02.2000, “Per organizimin dhe funksionimin e Gjykates Kushtetuese”.
Pikërisht në nenin 1 të këtij projektligji propozohet ndryshimi i mëposhtëm:
Ne nenin 8, paragrafi 1, shtohet fjalia e dyte me kete permbajtje: “Presidenti i Republikes organizon ceremonine e betimit jo me vone se 10 dite nga data e zgjedhjes, emerimit ose shpalljes te emeruar te anetarit te Gjykates Kushtetutese. Nese anetari i Gjykates Kushtetuese nuk thirret per te here betimin, pas perfundimit te ketij afati, ai kryen betimin ne forme te shkruar dhe ia dergon ate Presidentit te Republikes, organit te emerteses dhe Gjykates Kushtetuese. Data e organizimit te ceremonise se betimit ose data e dergimit te betimit me shkrim, konsiderohet si dita e betimit dhe e fillimit te detyres se gjyqtarit te Gjykates Kushtetuese dhe perfshihet ne dosjen e tij personale. Ne rast se gjyqtari nuk pranon te beje betimin, mandati i tij perfundon”.
Por ky parashikim i propozuar bie në kundërshtim të hapur edhe me një dispozitë të Kushtetutës, e cila rregullon pikërisht mënyrën e emërimit dhe nisjes së detyrës të antarëve të Gjykatës Kushtetuese. Konkretisht ky nen thotë shprehimisht:
Sipas nenit 129 të Kushtetutës “Gjyqtari i Gjykatës Kushtetuese fillon detyrën pasi bën betimin para Presidentit të Republikës”.
Po sipas nenit 8, pika 1 të Ligjit nr. Nr.8577, datë 10.2.2000, “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, Gjyqtari i Gjykatës Kushtetuese fillon detyrën pasi bën betimin para Presidentit të Republikës së Shqipërisë.
Në kuptim të dispozitave më sipër, kusht për fillimin e detyrës është kryerja e betimit nga gjyqtari Kushtetues para Presidentit.
Që betimi të jetë i vlefshëm duhet të përmbushen njëherazi dy kushte: i) shprehja e qartë e vullnetit të gjyqtarit kushtetues që zotohet të përmbushë detyrat sipas formulës së betimit që jepet në kushtetutë ose ligj; ii) dhënia e betimit para organit që parashikon kushtetuta ose ligji. Qartazi kjo shihet se është një formë për të evituar edhe pengesën që mund t’u çelte Presidenti me mosemërimin e kanditaturave të propozuara nga parlamenti.
Gazeta Shqip.