Gazeta e njohur “Washington Post” njoftoi të mërkurën shkurtime të mëdha të vendeve të punës, të cilat pritet të reduktojnë ndjeshëm disa fusha të mbulimit në gazetën e njohur 150-vjeçare. Humbjet e vendeve të punës prekën kryesisht njësitë e sportit, librave dhe podkasteve, si dhe zyrat e huaja, ekipet e biznesit dhe ato kombëtare.
Një zëdhënës i Post konfirmoi se gazeta po ndërmerr “veprime të vështira por vendimtare për të ardhmen tonë, në atë që përbën një ristrukturim të rëndësishëm në të gjithë kompaninë.”
Gazeta, fituese e dhjetëra çmimeve Pulitzer dhe në pronësi të themeluesit të Amazon, Jeff Bezos, që nga viti 2013, po përballet me këto shkurtime pavarësisht pasurisë së tij prej rreth 260 miliardë dollarësh. Kjo valë e fundit e shkurtimeve vjen pas një reduktimi prej 4% të stafit rreth një vit më parë. Sindikata e Washington Post, e cila përfaqëson qindra punonjës, deklaroi se stafi është reduktuar me 400 persona gjatë tre viteve të fundit, duke theksuar se “këto shkurtime nuk janë të pashmangshme” dhe se “një redaksi nuk mund të zbrazet pa pasoja për besueshmërinë, shtrirjen dhe të ardhmen e saj.”
Njoftimi pason shqyrtimin e fundit mbi vendimet buxhetore të redaksisë, përfshirë ndryshimet në planet për mbulimin e Lojërave Olimpike Dimërore, ku fillimisht u anulua dërgimi i gazetarëve, por më pas u rikthye vendimi. Ish-redaktori i Washington Post, Marty Baron, e quajti këtë ditë “ndër më të errëtat në historinë e një prej organizatave më të mëdha të lajmeve në botë.”
Disa gazetarë të prekur konfirmuan largimin e tyre në rrjetet sociale.
Industria e medias po kalon një periudhë të gjerë rishqyrtimi, me rritje të kostove, rënie të të ardhurave nga reklamat dhe ndryshime në mënyrën se si audienca konsumon lajmet.
Kjo ka çuar në valë të përsëritura shkurtimesh dhe konsolidimesh në të gjithë sektorin, duke përfshirë gjigantë si Disney, Los Angeles Times, BuzzFeed, Vice Media dhe Business Insider, ndërsa adoptimi i inteligjencës artificiale po riformëson gjithashtu industrinë edhe të medias.
Intelegjenca Artificiale po shkurton disa sektorë të medias. (Marrë nga nga NBC News)