Ylli Manjani: Realisht jemi në sistem diktature nga Edi Rama

Ish-ministri i Drejtësisë, Ylli Manjani, përmes një postimi në rrjetin social facebook, shkruan për zhvillimet politike, të cilat i cilëson si konfuzion edhe nga ana mediatike.

Manjani shkruan se opozita kërkon arrestimin e ish-ministrit të Brendshëm, Saimir Tahiri, por qeveria arreston kreun e bashkisë së Lezhës, Fran Frrokaj te PD. Këtë situatë, Manjani e cilëson si show publik të garantuar. ”Masat e arrestit merren pas asnjë kriter”.

Ish-ministri e thekson me të madhe se flë këtyre zhvillimeve, jemi në një sistem diktature, dhe këtë e ilustron me faktin se: ”Sistemi politik nuk mund të quhet demokratik kur opozita kërkon arrestime dhe qeveria kryen arrestime”!

Statusi i plotë i Manjanit

Lajmet e çdo dite na informormojnë se: Opozita kërkon arrestimin e Saimir Tahirit. Qeveria arreston Fran Frrokajn dhe ish-zyrtarë që janë në opozitë. Mediat ekspozojnë pa asnjë pengesë prova dhe ngjarje që duhet ti përdorë prokuroria gjatë hetimeve. Masat e arrestit merren pas asnjë kriter. Show publik i garantuar…

Ambasadorët flasin për “peshq” e “butakë” por jo për gjitarët e krimit.
—————————
Ndërkohë baza Kushtetuese e ligjore na mëson se: Sistemi politik nuk mund të quhet demokratik kur opozita kërkon arrestime dhe qeveria kryen arrestime!

Arresti, gjykimi dhe dënimi janë detyra ekskluzive të drejtësisë. Sa herë fut hundën politika (qeveria ose opozita) në punët e drejtësisë, sistemi quhet jo demokratik! Në sistemin jo demokratik, kur pushteti politik sundon, sistemi quhet Diktaturë. Kjo llogjikë parimore vlen për të gjithë njësoj, pushtetarë, opozitarë e qytetarë të thjeshtë.