Zoti Kryeministër, jepu zgjidhje kërkesave të studentëve. Sot, se nesër do jetë shumë vonë!

Nga Nikoll Lesi

Zoti Kryeministër, mblidhe mendjen dhe jepu zgjidhje urgjente sot, po sot, kërkesave të studentëve, sa nuk është vonë! Lëri servilët dhe interesat e privatëve në këtë rast, por dil mbi veten dhe vendos që të firmosësh. Mos e lërë protestën e studentëve, e të ardhmes së vendit, të degjenerojë në demonstratë.

Ti e di mirë se çdo të thotë DEMONSTRATË studentore. Eshtë uragan që fshin çdo gjë që i del para.

Ndaj dil dhe thuaj në televizor se të gjitha kërkesat e studentëve i firmos dhe trego firmën. Nuk besojnë më studentët, ndaj bëje këtë veprim që të mbetesh në histori.

Se kanë shumë të drejtë studentët, jepu atë që meritojnë. Mos i detyro të të rrëzojnë me forcën e shpirtit dhe endërres së tyre, qeverinë dhe Ju.

Ndaj lëre mënjanë inatin, mllefin dhe arrogancën.
Është më mirë sot zoti kryeministër! Nesër do jetë vonë!