Aktori Çun Lajqi: Për ilaçe të koronavirusit nuk më mjaftuan as 8-pensionet e kursyera për iPhone
Kishte kursyer për tetë muaj dhe nuk e ka shpenzuar fare pensionin sepse kishte në plan të blinte një celular iPhone 12, por planet ndryshuan sepse infektimi me COVID-19 ia shpenzoi të gjitha kursimet, por as ato nuk i mjaftuan.
Këtë gjë e ka ndarë me të tjerë aktori i njohur Çun Lajçi me ndjekësit e tij në Facebook.
“Iphone12 ma rrudhë synin me ato rrush kamerash, që po ua shoh analistave, gazetarve e panelistave çdo natë, (fort e dua), e thojsha shtrengoje rrypin, bani bashkë paret e bleje thiun!”, shkruan Lajqi.
Ai tha më tej se kur u infektua me COVID-19, i tërhoqi kursimet nga banka por ato tha se nuk i dalin as për ilaçe.
“Kur me mbërtheu Covidi u tuta se po vdes, e menzi shkova deri të banka. Merri paret i thashë vetës, se tybe s’të dalin për ilaçe! Merri se n’vorr nuk t’vyen telefoni!”, ka shkruar aktori.
Unë jam hajvan
Tetë muej ditë s’e kam prekë pensionin!
Bahuni bashkë, bahuni bashkë iu thojsha pareve!
A dini pse?
Iphon 12 ma rrudhë synin me ato rrush kamerash, që po ua shoh analistave, gazetarve e panelistave çdo natë, (fort e dua), e thojsha shtrengoje rrypin, bani bashkë paret e bleje thiun!
Kur me mbërtheu Covidi u tuta se po vdes, e menzi shkova deri të banka. Merri paret i thashë vetës, se tybe s’të dalin për ilaçe!
Merri se n’vorr nuk t’vyen telefoni!
Fort i marr jam!
Dardani, 01.04.2021
