“Asim Vokshi”, vatra e dijes dhe krenaria e Tropojës mbledh bijtë dhe bijat për 60-vjetor

Një festë e veçantë është zhvilluar në qytetin e Bajram Currit. Celebrimi i 60 vjetorit të krijimit të gjimnazit “Asim Vokshi” i ka kapërcyer caqet e një feste shkolle sepse në Tropojë e vlerësojnë maksimalisht dhe e kanë quajtur vatra e dijes. Jo vetëm e një krahine të tërë por edhe më gjerë.

Në këtë festë merrnin pjesë personalitete të shquara që kanë dalë nga këto banka shkolle dhe më pas kanë dhënë një kontribut të çmuar në fusha të ndryshme të jetës së vendit.

Gazetari i Rtv Ora, Altin Sulçe, i cili përcolli të gjithë aktivitetin ka përgatitur një speciale të veçantë për këtë ditë të shënuar për tropojanët kudo që ata ndodhen.