Biblioteka “Musine Kokalari”, mrekullia midis Tiranës

Në 100 vjetorin e lindjes së Musine Kokalarit, gruas së parë të letrave shqipe, e cila luftoi për demokratizimin dhe emancipimin e shoqërisë shqiptare, Bashkia e Tiranës vendosi që njërën prej Bibliotekave të Qytetit ta quajë pikërisht me emrin “Musine Kokalari”.

Biblioteka e re “Musine Kokalari”, tashmë pothuajse është gati. Këtë gjë e ka bërë të ditur i pari i Bashkisë së Tiranës, Erion Veliaj, i cili nëpërmjet rrjetit social Facebook ka publikuar disa fotografi me pamje magjike të kësaj biblioteke.

“Jo jo shoku, nuk është për kafe, por për libra. Thuajse gati biblioteka e re “Musine Kokalari” e Nj. 7! Është lajm i mirë për një qytet kur bibliotekat bëhen më të mira, sesa kafenetë luksoze”, ka shkruar Veliaj.