Dy ikonave të muzikës shqiptare fati deshi t’u jepet lamtumira e fundit në të njejtën ditë

Në 2014 muzika shqiptare humbi një nga ikonat e saja këngëtaren e madhe Vaçe Zela.

Ajo jetonte prej vitesh në Zvicër dhe amaneti i saj i fundit ishte që nderimet ti bëheshin në vendlindje.

Ishte data 8 shkurt 2014, ajo që i dha lamtumirën një herë e përgjithmonë artistes.

Dhe sot 6 vite më pas  për një tjetër ikonë të muzikës shqiptare do të mbahet ceremonia mortore.

Nexhmije Pagarusha, sipas amanetit të saj të fundit, do të prehet sot në vendin e saj të lindjes, Pagarushë.

Dy ikona të muzikës, nderimet e fundit të së cilave do të kujtohen gjithmonë më 8 shkurt.

Këtë e ka sjellë në vëmendje Eraldo Rexho, i cili ka shkruar në psotimin e tij:

‘Sot 6 vitë më parë ju dha lamtumira e fundit Vaçe Zelës… Në pot ë njëtjen ditë sot  po I japin lamtumirën Nexhmije Pagarushës. Dy zërat më të mëdhenj të këngës shqipe ikën në të njëtjën ditë. E kam takuar Pagarushën pas humbjes së Vaçe Zelës dhe e kam parë të derdhë lot për të. Sot besoj se të dyja po këndojnë me ëngjëjtë në parajs. Lamtumire artiste’.