FOTO/ Piktura e Leonardo Da Vinçit prej 450 milionë dollarësh, në muzeun madhështor të Abu Dhabit

Një pikturë 500 -vjeçare e Krishtit që besohet se është pikturuar nga Leonardo Da Vinçi do të vendoset në Luvrin e Abu Dhabit, njoftoi muzeumi.

Muzei i ri që sapo është hapur, më 8 nëntor 2017,  e ka bërë njoftimin në Twitter, njofton BBC, pa specifikuar nëse e kishte blerë pikturën në ankand këtë muaj.

Lajmet e mediave thonë se është blerë nga princ saudit.

Vepra e njohur si “Salvator Mundi” (Shpëtimtari i Botës_ u shit në Nju Jork për një shifër rekord prej 450 milionë dollarësh. Ai ishte çmimi më i lartë i ankandit dhënë për ndonjë vepër arti.

Blerësi i paidentifikuar ishte përfshirë në ankandin që zgjati rreth 20 minuta me anë të telefonit.

‘The Neë York Times” njoftoi se ajo ishte blerë nga princi saudit Bader bin Abdullah bin Mohammed bin Farhan al-Saud, duke cituar disa dokumenta që kishte shqyrtuar.

Leonardo da Vinçi vdiq në 1519-ën dhe la rreth 20 piktura. “Salvator Mundi” që besohet të jetë piktuar rreth vitit 1505 është e vetmja pikturë në duart e një privati.

/BBC/Syri.net