Inva Mula magjeps publikun në amfiteatrin e Durrësit

Me koncertin “Meloditë e Mesdheut”, sopranoja Inva Mula dhe artistë të tjerë, sollën emocione për publikun me një udhëtim muzikor mesdhetar.

Amfiteatri antik i Durrësit u kthye në një skenë magjike ku muzika, arti dhe historia u bashkuan në koncertin “Meloditë e Mesdheut”, duke sjellë emocione të forta dhe përjetime të veçanta për publikun.

Mula një nga zërat më të mëdhenj të skenës operistike shqiptare dhe ndërkombëtare, u ngjit për herë të parë në skenën e këtij monumenti historik, e shoqëruar edhe kori i fëmijëve “Okarina” Pjesë e kësaj mbrëmje magjike, ku muzika dhe historia u harmonizuan si rrallë herë ishte edhe pianisti Ekland Hasa.