”Jazz Festival”, edicioni i 8-të në Tiranë

Rikthehet festivali i jazzit në kryeqytet. Grupet më të njohura të jazzit do të interpretojnë në liceun artistik të Tiranës ritmet e kulturave të ndryshme, në pesë ditë. Tetë banda me artistë të huaj do të përcjellin çdo mbrëmje ritmet e jazzit të ndërthurura me muzikën folk të secilit vend. ”Do të kemi muzikantë që vinë nga Lindja e Largët deri në Shtetet e Bashkuara, është një festival gjithëpërfshirës”, thotë drejtori artistik për Shqipërinë i eventit, Gent Rrushi. Festivali do të zhvillohet vetëm në Tiranë, ndonëse ka një traditë prej 7 vitesh edhe në rrethe. Organizatorët shpjegojnë se mundësitë financiare e detyrojnë festivalin të ketë kaq pak hapësirë.