Klik Ekspo Group, sjell aktorët ekonomik rajonal

Klik Ekspo Group sjell për të 26 vit radhazi panairin ndërkombëtar të aktorëve ekonomikë dhe social të vendit, të sipërmarrësve, investitorëve, autoriteteve, të rinjve, të cilët i besojnë fuqisë së bashkëveprimit dhe bashkëjetesës në Rajon. Presidenti i Klik Ekspo Group, Luan Muhametaj në fjalën e tij përshëndetëse në çelje të panairit falenderoi të gjithë pjesëmarrësit në panair duke shtuar se vit pas viti Klik Ekspo Group ka shtuar numrin e të interesuarve për të marr pjesë.

Ministri i Mbrojtjes së Sipërmarrjes Eduard Shalsi duke vlerësuar ndikimin që ky panair ka për shkëmbimin e eksperiencave me bizneset e rajonit, shtoi se adresimi i problemeve të biznesit te autoritet përkatëse është prioritet.

Në edicionin e 26 i cili do të mbahet nga data 23 deri në 26 nëntor në pallatin e kongreseve numri i pjesëmarrësve në panair arrin në 350 dhe sipas regjistrimeve të deri tanishme numri i vizitorëve pritet të shkoj në 32.000. Pas përfundimit të ceremonisë së hapjes, festimet u zhvendosën në Pallatin e brigadave ku edhe u ndanë çmime për disa nga kompanitë pjesëmarrëse.