Koleksion i rrallë i gramafonave, në kalanë e Tiranës

Në atraksionin më të ri të kryeqytetit, kalanë e Tiranës, u hap ekspozita e veçantë për publikun “Magjia e Gramafonit”.

Në këtë ekspozitë u paraqitën koleksionet origjinale të fonografëve dhe gramafonave, si dhe disa disqe gramafoni. Përmes kësaj ekspozite, Arkivi Qendror i Shtetit shpalos për publikun një anë të panjohur të tij, pasurinë muzikore që ruan heshturazi prej 30 viteve.

Pjesë e dhuratës së vitit 1986 ishin edhe disa seri revistash, si “The Monthly Letter”, “The Strand”, “Gramophone”, apo botime lidhur me historinë e gramafonit dhe muzikës, disa prej të cilave ishin të ekspozuara pranë koleksionit. /atsh/