Margariti takim me Luljeta Bozon dhe profesionistë të tjerë

Si pasojë e tërmetit shkëmbi nën kullën e sahatit rrezikon të shembet dhe për këtë arsye qytetarët nuk lejohen të kalojnë pranë tij.

Për këtë arsye, ditën e djeshme, ministrja e Kulturës, Elva Margariti ka pasur një takim ditën e djeshme me inxhinierë, gjeologë, projektues e zbatues.

Ministrja Margariti theksoi se “dëmet e shkaktuara nga tërmeti i 26 nëntorit na vënë përpara nevojës së një ndërhyrjeje urgjente, që të mund të shpëtojmë një nga monumentet më simbolike të vendit tonë”.

“Pas matjeve gjeologjike jemi në fazën e hartimit të projektit. U jam falënderuese për gatishmërinë profesionistëve Luljeta Bozo, Gëzim Struga, Besnik Pelingi e Mentor Malaj”, shprehet Margariti.

Ndërkohë sipas ministrisë së Kulturës, muzetë e Krujës janë të hapura për vizitorët, ndërsa për shkak të rrezikshmërisë që paraqet nga dëmtimi i shkaktuar nga tërmeti vijon të jetë rreptësishtë e ndaluar që qytetarët të kalojnë pranë shkëmbit në kullën e sahatit.