‘Mein Kampf’ / Amazon ndalon shit-blerjen e disa vëllimeve të librave të Hitlerit

Amazon ka ndaluar shitjen e shumicës së botimeve të ‘Mein Kampf’ të Hitlerit dhe librave të tjerë të propagandës naziste. Vendimi vjen si pasojë e fushatave që organizata të ndryshme filantrope anti-naziste kanë bërë prej kohësh.

Individë dhe kompani u njoftuan ditët e fundit se nuk do të lejoheshin të shesin një numër librash me autorë nazistë në faqen e internetit, përfshirë skedën autobiografike të Hitlerit dhe librat për fëmijë, të dizajnuar për të përhapur ide antisemitike midis fëmijëve.

Filantropë të arsimit dhe grupet hebreje kanë bërë fushatë që nga fundi i viteve 1990 për të ndaluar Amazon të shiste kopje të ‘Mein Kampf’ por kompania kishte mbrojtur tradicionalisht të drejtën e fjalës së lirë dhe nevojën që studentët të kuptojnë mendimin e Hitlerit.

Shumica e botimeve naziste janë lehtësisht të disponueshme për t’u shkarkuar falas nga faqe të tjera në internet.

Botimet e ndryshme të ‘Mein Kampf’ kanë pasur kolektivisht mijëra vlerësime në Amazon, me shumë individë që i japin librit pesë yje.

Botime të tjera naziste, përfshirë librin e fëmijëve “Kërpudha helmuese” e shkruar nga botuesi nazist Julius Streicher, i cili u gjykua më vonë për krime kundër njerëzimit, gjithashtu kohët e fundit janë larguar nga listat e Amazon.

Amazon nuk komentoi mbi arsyen që e nxiti atë të ndryshonte mendimin e saj për këtë çështje.

Burimi: SCAN – Business Insider