Mos ki frikë nga hasmi, po nga miku i rremë!

Fjalët e urta janë thënie të shkurtra  që në mënyrë shumë sintetike shprehin mendime e gjykime për ngjarje, dukuri e çështje të ndryshme dhe të cilat kanë dalë nga jeta dhe përvoja e popullit përgjatë shekujve.

Për këtë arsye, ato paraqiten si të vërteta të pakundërshtueshme e me vlerë të përhershme.  Zakonisht shquhen për mprehtësinë dhe aftësinë për të shprehur mendimin me sa më pak fjalë dhe në mënyrë figurative.

Tematika e proverbave është shumë e gjerë dhe e larmishme.

Në vazhdim mund të lexoni disa fjalë të urta shqiptare që Observer Kult ka zgjedhur për ju:

• S’tunden malet me përralla.
• Në portën e të shurdhit mos trokit.
• Nuk mësohet plaku si duhet krehur mjekra.
• Pas lufte të gjithë bëhen trima.
• Mos ki frikë nga hasmi, po nga miku i rremë.
• Kur u ba horri pashë, vrau t’anë.
• Mos mëso ustanë, po merri zananë.
• Fjal’ e ëmbël thyhen të fortin.
• Fjala e mirë në ditë të keqe.
• Dy duar për një kokë, koka për atdhenë.
• Me njoftë veten asht urti, me qeverisë veten, është trimni.
• Po nuk nderove veten, s’të nderon njeri.
• Pyet shtatë a tetë, e bëj si di vetë.
• Qafa e unjur, koka e prerë.
• Qëndro shtyllë e mos u bëj urë.
• Shqiptari me armë e shokë, s’i lutet kurrkujt mbi tokë.
• Kam inat po nuk kam takat.
• Sa të mbledhësh ti rrusht, tjetri ka ngrënë një kosh.
• Kur të vjen nevojtari në derë, po s’pate gjë, jep një gotë ujë.
• S’mbartet ujë me shportë.
• Si është vendi bëhet kuvendi.
• Sevapi as shitet, as blihet.
• I ligu të puth e të kafshon.
• Njeriu vlen sa di, e din sa mban mend,
• Trimërinë pas luftës e urtësinë pas kuvendit s’e ha as qeni.