Pamja e “trishtë” e Galerisë së Arteve, mbulohet me thasë të vjetër

Pamja e trishtë e Galerisë së Arteve e mbuluar me disa thasë me ngjyrë të errët u ka tërhequr vëmendjen kalimtarëve këto ditë në Tiranë. Mbulesa e çuditshme është vendosur që më 26 nëntor por për shkak të tërmetit, vëmendja kryesore ishte diku tjetër.

Drejtuesit e Galerisë së Arteve shpjegojnë se “Është një vepër arti, bëhet fjalë për “Pallatin e ëndrrave” të artistit Ibrahim Mahama, që ishte konceptuar për t’u inauguruar në datë 27 nëntor, në kuadër të ekspozitës “Tirana Durim”.