98 miliarderë rusë, me pasuri më të madhe se të gjithë rusët

98 miliarderë rusë kanë një pasuri më të madhe sesa kursimet bankare të të gjithë rusëve të marrë bashkë. Revista “Forbes” ka përcjellë të dhënat në fjalë që vënë në dukje shkallën e pabarazisë esktreme dhe polarizues ku ka hyrë Rusia e Vladimir Putinit.

Këta milarderë kanë së bashku 421 miliardë dollarë kurse depozita bankare e të gjithë rusëve shkon në 420.7 miliardë dollarë.

Dukuria e shpërndarjes joproporcionale nuk prek vetëm Rusinë.

Tashmë shifra se 1% e të pasurve zotërojnë 1/2/ën e pasurisë globale është e njohur dhe shihet si shenjë e një krize të thellë sistemit.

Pabarazia ka qenë në qendër të shumicës së opinioneve të ekspertëve të ekonomisë që nga kriza e vitit 2007-2008 që preku Perëndimin.