Burri mbyll gruan në tualet, dyshonte se ishte me koronavirus

Koronavirusi vazhdon të përhapet ndërsa njerëzit si duket nuk po gjejnë dot më qetësi.

Në rastin konkret, një burrë nga Lituania është detyruar që të marrë masa ‘drastike’ ndaj bashkëshortes së tij pasi dyshonte që kjo e fundit mund të ishte e sëmurë me COVID-19.

Sipas raportimeve, ai e mori bashkëshorten dhe e mbylli në banjon e shtëpisë së tyre. Masat ekstreme burri vendosi që t’i merrte pasi mori vesh se bashkëshortja kishte takuar një grua kineze e cila kishte udhëtuar në Itali.

Duke folur për mediat, lituanezi u shpreh se u detyrua që ta izolonte gruan në banjo pasi kishte folur më parë në telefon me mjekët, të cilët i kishte pyetur sesi mund ta mbante koronavirusin larg.

Nga ana tjetër, bashkëshortja arriti që të merrte në telefon policinë që nga tualeti dhe të kërkonte ndihmë.

Për të qenë të sigurut, gruaja u testua për COVID-19 dhe rezultoi të ishte e pastër. Deri më tani, në Lituani rezulton vetëm një rast i konfirmuar me koronavirusin.