Të arredosh një apartament pa pasur ndihmën e një profesionisti, është mjaft e vështirë. Mirëpo, me një kërkim të detajuar të projekteve të ndryshme në rrjete sociale, secili prej nesh mund të krijojë një ide se si mund të riarredojë shtëpinë duke i dhënë një frymë pranverore. Më poshtë ju vijmë në ndihmë me këto këshilla arredimi:
-Respektoni proporcionet e shtëpisë
Nuk mund të vendosni orendi shumë të mëdha në një hapsirë të vogël. Përpiquni të zgjidhni mobilje dhe orendi që i përshaten përmasave të hapsirës që po arredoni.
-Vendosni sa më shumë pasqyra
Pasqyrat krijojnë iluzionin e thellësisë dhe vazhdimësisë. Përdorni muret pasqyrë për t’i dhënë hapsirës tuaj më shumë zgjerim.
-Shfrytëzoni cepat
Cepat e mureve janë hapsirat perfekte per vendosjen e dollapëve.
-Fshihni gjërat që s’ju pëlqejnë më
Një kuti me libra mund të jetë e përsosur për tu shndërruar në ndenjëse. Përpiquni të luani me këto detaje në mënyrë që t krijoni hapsirë dhe të shmangni orenditë e panevojshme.
-Përdorni larmishmëri ngjyrash
Përpiquni të përdorni ngjyra neutrale dhe qetësuese, të cilat nuk vjedhin menjëherë vëmendje.
-Vendosni lule
Lulet janë gjithnjë dekorues të rëndësishëm. Në forma të ndryshme, mund t’i vendosni kudo në shtëpi, kuzhinë, dhomën e gjumit apo tualet.
-Mos neglizhoni elementët tropikalë
Ngjyra jeshile kurrë s’do të ikë nga tendecat e dekoreve për shtëpinë, pasi ajo sjell paqe dhe shpresë. Kombinohet shumë mirë me ngjyrat e errta, duke filluar nga e zeza. Kjo ngjyrë mjaft relaksuese, do ta shndërrojë shtëpinë në natyrë qetësuese dhe freskuese, duke krijuar një ambient mjaft pranveror.
Përpos këshillave të mësipërme duhet të keni parasysh dhe shmangien e :
- Dyshemeve shumëngjyrëshe, të cilat ishin shumë të preferuara përgjatë dekadës së kaluar, por ekspertët besojnë se s’do të konsiderohen më të bukura në të ardhmen.
- Kavanozët që përdoren si vazo, mbajtëse a për çfarëdolloj synimi dytësor, nuk do të jenë më trend.
- Roza pudër ka dalë nga moda prej kohësh dhe s’do të rikthehet. Njerëzit preferojnë të përdorin ngjyra neutrale si gri, bezhë dhe e bardhë.
- Muret e verdha të shoqëruara me drita të ngrohta ishin goxha popullore gjatë viteve 2010, por jo më.